Khan Sir: ખાન સરનુ કોચિંગ ક્યાં છે, કેવી રીતે જોઈન કરવુ, કેટલી છે ફી?

Khan Sir Coaching: કોચિંગ ક્ષેત્રે ખાન સરનું નામ કોઈ ના જાણતુ હોય તેવુ ના બની શકે. પહેલા ખાન સર માત્ર બિહારમાં જ પ્રખ્યાત હતા પરંતુ હવે તેઓ માત્ર ભારત જ નહીં પરંતુ સમગ્ર વિશ્વમાં પ્રખ્યાત છે. ખાન સર પાસે ભણવા માટે વિદ્યાર્થીઓની લાંબી લાઈન લાગે છે. તેમની ભણાવવાની શૈલીથી વિદ્યાર્થીઓ મંત્રમુગ્ધ થઈ જાય છે.

વિષય ગમે તેટલો અઘરો હોય પરંતુ તે તેને ચપટીમાં એટલી સરળતાથી સમજાવી દે છે કે વિદ્યાર્થીઓને વધુ મગજ લગાવવાની જરૂર નથી પડતી. જો કે, અન્ય રાજ્યોના વિદ્યાર્થીઓ અને પટના બહારના વિદ્યાર્થીઓ ખાન સરના કોચિંગની માહિતી શોધતા હોય છે.

વિદ્યાર્થીઓ જાણવા માગે છે કે ખાન સરનું કોચિંગ ક્યાં છે? ખાન સરની કોચિંગ ફી કેટલી છે? આ સિવાય ખાન સરના કોચિંગમાં કેવી રીતે જોડાવું તે પણ લોકો જાણવા માંગતા હોય છે. આવો જાણીએ આ દરેક માહિતી. તમને જણાવી દઈએ કે ખાન સર ઓનલાઈન ક્લાસ પણ ચલાવે છે. યુટ્યુબ પર તેમના લાખો સબસ્ક્રાઈબર્સ છે.

ખાન સરનુ કોચિંગ કિસાન કોલ્ડ સ્ટોરેજ, સાંઈ મંદિર પાસે, ચક મુસલ્લાપુર, રાજેન્દ્ર નગર કોલોની ખાતે આવેલુ છે. ખાન સરના કોચિંગમાં 10 હજારથી વધુ વિદ્યાર્થીઓ અભ્યાસ કરે છે. ખાન સરના કોચિંગનું નામ ખાન જીએસ રિસર્ચ સેન્ટર પટના (ખાન ગ્લોબલ સ્ટડીઝ) છે.

ખાન સરનું કોચિંગ ઑનલાઈન અને ઑફલાઈન બંને રીતે ચાલે છે. ખાન સરના ઑનલાઈન ક્લાસમાં જોડાવા માટે, તમે તેને ગૂગલ પ્લે સ્ટોર પર Khan Sir Official નામથી સરળતાથી શોધી શકશો. તમે ત્યાં તમારું અકાઉન્ટ બનાવીને વાંચી શકો છો. વળી, ઑફલાઇન ક્લાસમાં જોડાવા માટે તમારે પટના જઈને તેમના ક્લાસમાં જોડાવું પડશે.

Petrol-Diesel Price: ક્રૂડ ઓઈલના ભાવમાં નજીવો ઘટાડો, અહીં જાણો પેટ્રોલ-ડીઝલની કિંમત ઘટી કે નહિ
તમારે ઈતિહાસના અભ્યાસ માટે માત્ર 200 રૂપિયા ચૂકવવા પડશે, જ્યારે ભારતીય રાજ્ય વ્યવસ્થા અભ્યાસ કરવા માટે તમારે 199 રૂપિયા ચૂકવવા પડશે. એડવાન્સ મેથ્સ માટે 99 રૂપિયા ચૂકવવા પડશે. ભૂગોળ માટે 200 રૂપિયા ચૂકવવા પડશે. રેલવે પરીક્ષા માટે 499 ચૂકવવા પડશે. માનચિત્ર માટે 200 રૂપિયા ચૂકવવા પડશે. SSC, બેંક અને NDA માટે 499 રુપિયા ચૂકવવા પડશે.

ખાન સરનો જન્મ 1993માં ઉત્તર પ્રદેશના ગોરખપુરમાં થયો હતો. તેઓ સૈનિક પરિવારના છે. ખાન સર પોતે લશ્કરમાં જોડાવા માંગતા હતા પણ નહોતા જઈ શક્યા.

ખાન સરના અસલી નામને લઈને હંમેશા વિવાદ રહ્યો છે. કોઈ તેમને હિંદુ ધર્મના ગણાવે છે તો કેટલાક તેમને મુસ્લિમ ધર્મના ગણાવે છે. પરંતુ મીડિયા રિપોર્ટ મુજબ, ખાન સરનું અસલી નામ ફૈઝલ ખાન છે.

English summary

Khan Sir coaching address of Patna, fees and how to join, real name, home, Know details here.