Nursing staff bharti : નર્સિંગ સ્ટાફ ભરતી વિવાદમાં નવો વળાંક, ફાઈનલ આન્સર કી જાહેર કરાઈ
Nursing staff bharti : હાલમાં યોજાયેલી નર્સિંગ સ્ટાફ ભરતી પરીક્ષાને લઈને વિવાદ શરૂ થયો હતો, જેની તપાસના આદેશ સરકાર દ્વારા અપાયા હતા.
આ પરીક્ષાની ફાઈનલ આન્સર કી હવે જાહેર કરવામાં આવી છે. જો કે, વિવાદીત ABCD પેટન્ટ એ જ યથાવત રાખવામાં આવી છે ને સરકાર તરફથી આ વિવાદ પર કોઈ સ્પષ્ટતા આપવામાં આવી નથી.
નર્સિંગ ભરતી પરીક્ષા અંગે GTUએ આરોગ્ય વિભાગને રિપોર્ટ સોંપ્યો છે, જેમાં ઉમેદવારોના માર્ક્સ અને આન્સર કી સંદર્ભે માહિતી સામેલ છે.
આ રિપોર્ટમાં પેપર સેટર દ્વારા તૈયાર કરાયેલા પેપર સ્ટાઇલની વિગતો તેમજ આન્સર કી પેટર્નનું અનુસરણ કરનારા ઉમેદવારોની વિગતો પણ આપવામાં આવી છે. હવે આરોગ્ય વિભાગ આ પરીક્ષા માન્ય રાખવી કે રદ કરવી તે અંગે નિર્ણય લેશે.
સ્ટાફ નર્સની ભરતી પરીક્ષામાં મોટો વિવાદ ત્યારે ઊભો થયો જ્યારે આન્સર કીનું પેટર્ન સતત ABCD ક્રમમાં જ હતું. પેપર સેટર દ્વારા તમામ પ્રશ્નોના જવાબો એક પછી એક A, B, C, D ક્રમમાં જ રાખવામાં આવ્યા હતા.
આ મામલે વિપક્ષ અને ઉમેદવારો દ્વારા આક્ષેપ કરવામાં આવ્યો કે આ પેટર્ન અંતર્ગત કેટલાક ઉમેદવારોને નોકરી અપાવવા માટે સજ્જડ યોજના ઘડી હતી. GTUના રજીસ્ટ્રારના જણાવ્યા પ્રમાણે પેપર સેટ કરતી વખતે સિક્વન્સમાં ફેરફાર કરવાનું ભૂલી જવામાં આવ્યું હતું.
આ સ્ટાફ નર્સની પરીક્ષામાં કુલ 1903 જગ્યાઓ માટે 53,000 ઉમેદવારોએ ભાગ લીધો હતો. આ પરીક્ષા GTU દ્વારા લેવામાં આવી હતી. હવે આખી પરીક્ષા રદ કરવી કે નહીં તે અંગે આરોગ્ય વિભાગને અંતિમ નિર્ણય લેવાનો રહેશે.
Click it and Unblock the Notifications
Sign in with Google
