India Post GDS Recruitment 2023 : ટપાલ વિભાગમાં 12828 ગ્રામીણ ટપાલ સેવકની ભરતી, આ રીતે કરો અરજી

India Post GDS Recruitment 2023 : પોસ્ટ ડિપાર્ટમેન્ટમાં ગ્રામીણ ટપાલ સેવક ઓનલાઇન એન્ગેજમેન્ટ સ્પેશિયલ સાયકલ મે 2023ની નોટિફિકેશન શનિવારના રોજ જાહેર કરવામાં આવી હતી. જે અનુસાર 22 મેથી 12828 જગ્યા માટે અરજી કરી શકાશે.

નોકરી ઇચ્છુંક ઉમેદવારો GDS ભરતી પોર્ટલ, https://indiapostgdsonline.gov.in/ પર નિર્ધારિત છેલ્લી તારીખ 11 જૂન, 2023 સુધીમાં અરજી કરી શકે છે. પોસ્ટ વિભાગ દ્વારા જાહેર કરવામાં આવેલા GDS ભરતી મે 2023ની સૂચના અનુસાર, બ્રાન્ચ પોસ્ટ ઓફિસમાં બ્રાન્ચ પોસ્ટમાસ્ટર (BPM), આસિસ્ટન્ટ બ્રાન્ચ પોસ્ટમાસ્ટર (ABPM) તરીકે 12 હજારથી વધુ ગ્રામીણ ટપાલ સેવકોની ભરતી થવાની છે.

India Post GDS Recruitment 2023ની અરજી પ્રક્રિયા - આ નોકરી માટે અરજી કરવા ઉમેદવારોએ પોસ્ટલ વિભાગ ગ્રામીણ ટપાલ સેવક ભરતી પોર્ટલની મુલાકાત લેવાની રહેશે. આ પછી ઉમેદવારો નિર્ધારિત ત્રણ પગલામાં તેમની અરજી સબમિટ કરી શકશે. આ ત્રણ પગલાં છે - રજિસ્ટ્રેશન, ઓનલાઇન અરજી કરો અને ફી ચુકવણી કરો.

એપ્લિકેશન ફી રૂપિયા 100 છે, જે ઓનલાઈન માધ્યમથી ચૂકવવાની રહેશે. SC, ST, દિવ્યાંગ અને મહિલા ઉમેદવારોએ ફી ભરવાની જરૂર નથી. અરજી સબમિટ કર્યા બાદ ઉમેદવારો 12 થી 14 જૂન 2023ની વચ્ચે તેમની અરજીમાં ભૂલ સુધારી અથવા સુધારો કરી શકશે.

કોણ અરજી કરી શકે છે? - ટપાલ વિભાગ ગ્રામીણ ટપાલ સેવક ભરતી માટે, ઉમેદવારોએ માન્યતા પ્રાપ્ત બોર્ડમાંથી 10મા ધોરણની પરીક્ષા પાસ કરેલી હોવી જોઈએ. આ ઉપરાંત 11 જૂન, 2023 ના રોજ ઉંમર 18 વર્ષથી ઓછી અને 40 વર્ષથી વધુ ન હોવી જોઈએ. અનામત વર્ગના ઉમેદવારોને ઉપલી વય મર્યાદામાં છૂટછાટ આપવામાં આવશે.

English summary

Recruitment of 12828 Rural Postal Servants in Postal Department, know how to Apply Here for India Post GDS Recruitment 2023