For Quick Alerts
For Daily Alerts
ગુજરાત સરકારના માહિતી ખાતામાં ભરતીની મુખ્ય પરિક્ષાઓની તારીખ જાહેર કરાઈ
ગુજરાત સરકારના માહિતી ખાતા દ્વારા નાયબ માહિતી નિયામક વર્ગ 1, સહાયક માહિતી નિયામક વર્ગ 2, સિનિયર સબ એડિટર વર્ગ 3 અને માહિતી મદદનીશ વર્ગ 3ની ભરતી પ્રક્રિયામાં મહત્વની તારીખો જાહેર કરી છે. 4 ઓગસ્ટે પ્રથમ પરિક્ષાના પરિણામ જાહેર કર્યા બાદ હવે મુખ્ય પરિક્ષાઓની તારીખ જાહેર કરી છે.
માહિતી ખાતા દ્વારા આ ભરતી પ્રકિયાના પ્રથમ ભાગની પરિક્ષાઓ 27 જુલાઈએ લેવામાં આવી હતી, આ પરિક્ષાઓના પરિણામ 4 ઓગસ્ટે જાહેર કર્યા બાદ હવે મુખ્ય પરિક્ષાઓની તારીખોનું એલાન કરવામાં આવ્યુ છે. આ તમામ પરિક્ષાઓ સપ્ટેમ્બરના પહેલા અઠવાડીયામાં લેવામાં આવશે. 4 સપ્ટેમ્બરે માહિતી નિયામક વર્ગ 1 અને સહાયક માહિતી નિયામક વર્ગ 2ની પરિક્ષાઓ યોજાશે. ત્યારબાદ 5 સપ્ટેમ્બરે સિનિયર સબ એડિટર વર્ગ 3 અને માહિતી મદદનીશ વર્ગ 3ની મુખ્ય પરિક્ષાઓ યોજાશે. પ્રાથમિક પરિક્ષામાં વર્ગ 1 અને વર્ગ 2 માં કુલ 490 અને વર્ગ 3 માં કુલ 1194 ઉમેદવારો પાસ થયા છે. આ ઉમેદવારો હવે મુખ્ય પરિક્ષામાં બેસી શકશે.
મુખ્ય પરિક્ષાઓની વાત કરીએ તો તમામ ઉમેદવારોએ ત્રણ પેપર આપવાના રહેશે. એક પેપર ગુજરાતી ભાષા, એક અંગ્રેજી ભાષા અને એક જનરલ પેપર રહેશે. પહેલા બે પેપર માટે સો-સો મીનિટ અને ત્રીજા પેપર માટે 3 કલાકનો સમય ઉમેદવારોને મળશે.
ઉલ્લેખનિય છેે કે ગુજરાત સરકારના માહિતી ખાતાએ તમામ વર્ગની મળીને કુલ 100 જગ્યાઓ પર ભરતી પ્રકિયા શરૂ કરી હતી. પહેલા રાઉન્ડમાં પ્રાથમિક પરિક્ષાઓ બાદ હવે મુખ્ય પરિક્ષાઓનું એલાન થયુ છે.
Comments
English summary
The date of the main examinations for the recruitment of the Information Department of the Government of Gujarat has been announced
Story first published: Thursday, August 5, 2021, 13:33 [IST]