For Quick Alerts
ALLOW NOTIFICATIONS  
For Daily Alerts
Oneindia App Download

અપના બૉમ્બે ટૉકીઝ... ગીતમાં એક સાથે 20 સ્ટાર્સ

|
Google Oneindia Gujarati News

મુંબઈ, 25 એપ્રિલ : ભારતીય સિનેમાના 100 વર્ષ પૂર્ણ થવાના ઉપલક્ષ્યે રિલીઝ થનારી મહત્વની ફિલ્મ બૉમ્બે ટૉકીઝના એક ગીતમાં આમિર ખાન, શાહરુખ ખાન, સૈફ અલી ખાન, માધુરી દીક્ષિત, વિદ્યા બાલન અને રાણી મુખર્જી સહિત બૉલીવુડની 20 મુખ્ય હસ્તીઓ નજરે પડશે.

અપના બૉમ્બે ટૉકીઝ... ગીતના કોરિયોગ્રાફર વૈભવી મર્ચંટ છે. ગીતના વીડિયોમાં દેખાતી અન્ય હસ્તીઓમાં પ્રિયંકા ચોપરા, ફરહાન અખ્તર, શાહિદ કપૂર, રણવીર સિંહ, ઇમરાન ખાન, રણબીર કપૂર, સોનમ કપૂર, દીપિકા પાદુકોણે, અનિલ કપૂર, શ્રીદેવી, અક્ષય કુમાર, કરિશ્મા કપૂર તથા જુહી ચાવલાનો સમાવેશ થાય છે.

apnabombaytalkiessong

બૉલીવુડના 20 પાર્શ્વ ગાયકોએ આ ગીતમાં પોતાનો અવાજ આપ્યો છે. પ્રથમ વાર કોઈ ગીત 20 ગાયકોએ મળી ગાયું છે. ફિલ્મનું આ મુખ્ય ગીત બૉલીવુડના સૌથી પ્રતિષ્ઠિત ગાયકો દ્વારા ગવાયું છે. અપના બૉમ્બે ટૉકીઝ... ગીતની ખાસિયત એ છે કે તમામ ગાયક-ગાયિકાઓએ ગીતના વીડિયોમાં તેવા કલાકારોને પોતાનો અવાજ આપ્યો છે કે જેમના માટે બીજી ફિલ્મોમાં તેઓ સામાન્ય રીતે પાર્શ્વ ગાયન કરે છે. આ ગીતના ગાયકોમાં સુનિધિ ચૌહાણ, શાન, કવિતા કૃષ્ણમૂર્તિ, એસ. પી. બાલાસુબ્રહ્મણ્યમ, અભિજીત, કુમાર સાનૂ, અલકા યાજ્ઞિક, મોહિત ચૌહાણ, સોનૂ નિગમ, સુદેશ ભોંસલે, શ્રેયા ઘોષાલ, શિલ્પા રાવ, ઉદિત નારાયણ, કેકે અને સુખવિંદરનો સમાવેશ થાય છે.

નોંધનીય છે કે બૉમ્બે ટૉકીઝ એ બૉલીવુડના ચાર દિગ્દર્શકો ઝોયા અખ્તર, કરણ જૌહર, દિબાકર બૅનર્જી તેમજ અનુરાગ કશ્યપની લઘુકથાઓનું સમ્પુટ છે. આ ચારેય દિગ્દર્શકોએ જ ફિલ્મનું દિગ્દર્શન કર્યું છે. બૉમ્બે ટૉકીઝ આગામી 3જીમેએ રિલીઝ થવાની છે.

English summary
From the Khans - Aamir, Shah Rukh and Saif Ali - to leading ladies like Madhuri Dixit, Vidya Balan and Rani Mukerji, as many as 20 screen stars have united for a special title track for unique movie "Bombay Talkies", which celebrates 100 years of Indian cinema.
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X