એક નહીં.. બે નહીં.. આમિરને ખાવી પડી 11 લાતો!

બોલીવુડ અભિનેતા આમિર ખાન પોતાના પરફેક્શન માટે ઓળખાય છે. માટે અત્યાર સુધી કોઇ સીન પરફેક્ટ ના બને ત્યાં સુધી તેઓને શાંતિ નથી મળતી અને પરફેક્ટ શૉટ મળવા સુધી તેઓ ટેક પર ટેક આપ્યા કરે છે. આનું તાજું ઉદાહરણ છે, જ્યારે તેઓ એસ સીન કરી રહ્યા હતા આ સીનને પરફેક્ટ બનાવવા માટે તેમણે એક નહીં.. બે નહીં.. પરંતુ અધધ 11 જેટલી લાતો ખાઇ લીધી.

અમે વાત કરી રહ્યા છીએ રાજકુમાર હિરાણી દ્વારા નિર્દેશિત આમિર ખાનની આગામી ફિલ્મ પીકેની. તેના શુટીંગ દરમિયાન એક વાણંદ(અજય નરવાલ)પાસે લાત ખાવાની હતી. આ શૉટ માટે ઘણા ટેક થયા ત્યારે જઇને ફાઇનલ ટેક લેવાયો. માટે આમિરની પાસે લાતો ખાવા સિવાય કોઇ બીજો રસ્તો ન્હોતો.

જોકે લાત મારવાનો સીન એવો છે કે આમિર વાળંદનો લેંગો પાછળથી ખેંચે છે અને વાળંદ આમિરને લાત મારે છે અને લાઇનમાં બેઠેલા એક પછી એક તમામ લોકો પડી જાય છે. આ સીન ફિલ્મના ટીઝરમાં પણ બતાવવામાં આવ્યો છે. જેના કારણે દર્શકો હસવા પર પણ મજબૂર થયા છે.

આપને જણાવી દઇએ કે ટીજરમાં આમિર નટખટ અને સતત પાન ખાતા દેખાઇ રહ્યા છે. માટે, આમિરે 100 કરતા પણ વધારે પાન ખાધા હતા. આ અંગે આમિરને પૂછતા તે જણાવે છે કે 'હું પાન ખાવાનો આદી નથી પરંતુ સીનને પરફેક્ટ બનાવવા માટે મારે આવું કરવું પડ્યું. સેટની સામે અમે એક પાનવાળાને બોલાવ્યો હતો.'

નોંધનીય છે કે આમિર પોતાની ફિલ્મ 'પીકે'ને લઇને ખૂબ જ ઉત્સાહિત છે. આ ફિલ્મમાં આમિરની સાથે અનુષ્કા શર્મા, સુશાંત સિંહ રાજપૂત અને સંજય દત્ત પણ મુખ્ય ભૂમિકામાં છે.

English summary

It took almost 11 takes for Mr Perfectionist, Aamir Khan to give the prefect shot. And thus he have to bear 11 kicks.