ભોજપુરી ભાષા શીખી રહ્યાં છે આમિર, પીકેમાં બોલશે
મુંબઈ, 3 એપ્રિલ : બૉલીવુડના મિસ્ટર પરફેક્ટ એટલે કે આમિર ખાન પોતાના રોલની સજીવતા માટે કંઈ પણ કરવા તૈયાર થઈ જાય છે. પોતાના પાત્રના હિસાબે તેઓ લુક અને બૉડી લૅંગ્વેજ ધારણ કરવામાં પણ માહેર છે. તેથી જ તેઓ પોતાની આવનાર ફિલ્મ પીકે માટે હાલ ભોજપુરી ભાષા શીખી રહ્યાં છે.
મળતી માહિતી મુજબ પીકે ફિલ્મમાં આમિર ખાને ભોજપુરી ભાષામાં વાત કરવી છે. જોકે ફિલ્મનું શૂટિંગ રાજસ્થાન ખાતે થઈ રહ્યું છે. તેથી આમિરનું ભોજપુરી શીખવું આશ્ચર્યજનક લાગે છે, કારણ કે ફિલ્મ જો જયપુર ખાતે શૂટ થતી હોય, તો આમિરે ભોજપુરી ભાષા શીખવાની શી જરૂર છે?
હવે આ પ્રશ્નનો ઉત્તર તો ફિલ્મ રિલીઝ થયા બાદ જ મળી શકે. ફિલ્મના નિર્માતા-દિગ્દર્શક રાજકુમાર હીરાણી છે. ફિલ્મમાં આમિરના હીરોઇન અનુષ્કા શર્મા છે. પીકેમાં આમિર-અનુષ્કાનું લાંબુ લિપલૉક પણ છે. કહે છે કે પીકે ફિલ્મમાં આમિર ખાન દારૂડિયાનો રોલ કરી રહ્યાં છે અને ગાંડાની જેમ ભગવાનને શોધે છે. અને એક દિવસ તેમની શોધ પૂરી થાય છે.