વિલેન બન્યા આદિત્ય પંચોલી, દીપિકાના સેટ પર કર્યો હોબાળો!
આદિત્ય પંચોલી ઘણા લાંબા સમય બાદ પરદા પર વિલેનની ભૂમિકા નિભાવવાના છે, જોકે ફિલ્મના સેટ પર પણ હોબાળો કરતા દેખાઇ રહ્યા છે. હા, અમે વાત કરી રહ્યા છીએ સંજય લીલા ભણસાલીની ફિલ્મ 'બાજીરાવ મસ્તાની'ની. જેના સેટ પર આદિત્ય પંચોલીએ જોરદાર હોબાળો મચાવ્યો. સૂત્રોની માનીએ તો, તેમણે સેટ પર હાજર ક્રૂ મેમ્બરોની સાથે ગેરવર્તળૂક કરી.
આદિત્ય પંચોલી બાજીરાવ મસ્તાનીમાં નકારાત્મક ભૂમિકા નિભાવી રહ્યા છે. સાંભળવામાં આવ્યું છે કે હાલમાં જ એક દિવસ જ્યારે પંચોલી સેટ પર પહોંચ્યા તો તેમનું મૂડ ખરાબ હતું અને યૂનિટના કેટલાંક લોકોની સાથે વાત કરતા તેમણે અવળચંડાઇ શરૂ કરી દીધી. જોકે આ પહેલીવાર નથી કે તેમના ગુસ્સાથી વિવાદોમાં આવ્યા હોય.
મામલાને ગંભીર જોતા આદિત્ય પંચોલીને પાછા જવા માટે કહી દેવામાં આવ્યું. જોકે બીજા દિવસે પંચોલી જ્યારે સેટ પર આવ્યા તો તેમનું મૂડ બરાબર હતું. અને તેમણે યૂનિટના લોકો સાથે ગેરવર્તનની માફી માગી લીધી. અત્રે નોંધનીય છે કે સંજય લીલા ભણસાલીની આ ફિલ્મમાં રણવીર સિંહ, પ્રિયંકા ચોપડા અને દીપિકા પાદુકોણ મુખ્ય ભૂમિકામાં છે.
Click it and Unblock the Notifications
Sign in with Google
