Pics : કૅન્સમાં 12મી વખત છવાયાં ઐશ્વર્યા રાય
મુંબઈ, 19 મે : અંતે તે ક્ષણ આવી જ ગઈ કે જ્યારે પુનઃ એક વાર બૉલીવુડ સુંદરી ઐશ્વર્યા રાય કૅન્સના રેડ કારપેટે દેખાયાં. આ વખતે તેમણે બ્લૅક કલરની એવી ડ્રેસ પસંદ કરી હતી કે જેમાં તેમની કાયા થોડીક પાતળી દેખાતી હતી. સુંદર તો તેઓ છે જ. ઉપરથી જ્યારે તેમનું મધુર સ્મિતનો જાદુ વિખેરાયો, તો જોનારા બસ જોતાં જ રહી ગયાં.
સરવાળે એમ કહી કાય કે કૅન્સ ફિલ્મ ફેસ્ટિવલમાં ઐશનો જલવો જળવાયેલો જ રહ્યો. નોંધનીય છે કે કૅન્સ ફિલ્મ ફેસ્ટિવલના રેડ કારપેટ ઉપર 12મી વખત દેખાયાં છે ઐશ્વર્યા. અગાઉ એમ જણાવાયુ હતું કે આ વખતે રેડ કારપેટ પર તેમની લવિંગ ડાર્લિંગ એટલે કે જૂનિયર ઐશ એટલે બેબી આરાધયા પણ નજરે પડશે, પણ એવું ન થયું. ઐશ્વર્યા રાય એકલાં જ દેખાયાં.
રેડ કારપેટ બાદ ઐશ્વર્યા ભારતીય સિનેમાના સો વરસની ઉજવણી પ્રસંગે પણ ખાસ અતિથિ તરીકે નજરે પડ્યાં. ત્યાં તેમણે ભારતીય સંસ્કૃતિની ઓળખ સમાન સાડી પહેરી.
આવો તસવીરોમાં જોઇએ કૅન્સમાં ઐશના જલવા.
કૅન્સમાં ઐશ
ઐશ 12મી વખત કૅન્સના રેડ કારપેટ ઉપર દેખાયાં. બ્લૅક ડ્રેસમાં જલવા પાતરતાં ઐશને જોઈ કોણ ન કહે કે ઐશ આપ લાજવાબ છો.
કૅન્સમાં ઐશ
ઐશ્વર્યા રાયે આ વખતે બ્લૅક કલરની ડ્રેસની પસંદગી કરી કે જેમાં તેઓ થોડાક પાતળા દેખાતા હતાં.
કૅન્સમાં ઐશ
ઐશ્વર્યાએ ભારતીય સિનેમાના સો વરસની ઉજવણી પ્રસંગે યોજાયેલ ખાસ સમારંભમાં ખાસ મહેમાન તરીકે હાજરી આપી. આ પ્રસંગે તેમણે ભારતીય પરિધાન સાડી જ પહેરી.
કૅન્સમાં ઐશ
ઐશે જણાવ્યું કે આ સમારંભમાં હાજરી આપતા તેઓ ગૌરવ અનુભવે છે.
કૅન્સમાં ઐશ
કૅન્સ ફિલ્મ ફેસ્ટિવલનું ઉદ્ઘાટન ઐશના સસરા બિગ બી અમિતાભ બચ્ચને કરી છે. તેમણે ઉદ્ઘાટન પ્રવચન માતૃભાષા હિન્દીમાં આપી સૌના દિલ જીતી લીધા હતાં.