For Quick Alerts
ALLOW NOTIFICATIONS  
For Daily Alerts
Oneindia App Download

બાદશાહ સામે જંગ ઉપર ઠંડુ પાણી રેડતાં ખેલાડી

|
Google Oneindia Gujarati News

મુંબઈ, 30 મે : પુનઃ એક વાર બે બૉલીવુડ સ્ટાર્સ બૉક્સ ઑફિસે બાથ ભીડવાની તૈયારી કરી રહ્યાં છે. હા જી, અમે વાત કરી રહ્યાં છીએ અક્ષય કુમાર અને શાહરુખ ખાનની. તેમની ફિલ્મો ક્રમશઃ વન્સ અપૉન ઍ ટાઇમ ઇન મુંબઈ અગેન તથા ચેન્નઈ એક્સપ્રેસ ઈદ પ્રસંગે રિલીઝ થવા જઈ રહી છે. એક બાજુ આખું મીડિયા જગત આ ફાઇટ કૅશ કરવામાં લાગ્યું છે, તો બીજી બાજુ અક્ષય કુમારે આ લડાઈ ઉપર ઠંડુ પાણી રેડી દીધું છે.

outima

અક્ષય કુમારે પોતાની ફિલ્મના ફર્સ્ટ લુક તથા ટ્રેલર લૉન્ચિંગ પ્રસંગે જણાવ્યું - શાહરુખ ખાન અને મારી ફિલ્મો એક જ દિવસે રિલીઝ થઈ રહી છે. આ વાતને બહુ તૂલ આપવી જોઇએ નહિં. આ તો બૉલીવુડ છે. અહીં દર મોટા તહેવારે અનેક ફિલ્મો રિલીઝ થતી હોય છે. હું તો ઉપરવાળાને પ્રાર્થના કરુ છું કે બંને જ ફિલ્મો સારો બિઝનેસ કરે અને લોકોનું મનોરંજન કરે.

નોંધનીય છે કે શાહરુખ ખાનના પ્રોડક્શનની ચેન્નઈ એક્સપ્રેસ ફિલ્મમાં દીપિકા પાદુકોણે તથા શાહરુખ ખાનની હીટ જોડી છે. રોહિત શેટ્ટી દિગ્દર્શિત આ ફિલ્મ 23મી ઑગસ્ટે રિલીઝ થવાની છે, તો આ જ દિવસે રિલીઝ થનાર વન્સ અપૉન ઍ ટાઇમ ઇન મુંબઈ અગેન ફિલ્મમાં અક્ષય કુમાર તેમજ સોનાક્ષી સિન્હા છે. એકતા પ્રોડક્શનની આ ફિલ્મ વન્સ અપૉન ટાઇમ ઇન મુંબઈની સિક્વલ છે.

જોકે શાહરુખ-અક્ષય વચ્ચે ક્યારેય બૉલીવુડમાં કોઈ વિવાદ સર્જાયો નથી. બંનેએ દિલ તો પાગલ હૈ ફિલ્મમાં સાથે કામ પણ કર્યુ હતું. શાહરુખ લીડ રોલમાં હતાં, તો અક્ષય ગેસ્ટ રોલમાં. તેવી જ રીતે હે બેબી ફિલ્મમાં પણ બંને હતાં. તેમાં અક્ષય લીડ રોલમાં હતાં, જ્યારે શાહરુખ ગેસ્ટ રોલમાં હતાં.

English summary
Akshay Kumar downplays box office battle with Shahrukh Khan this Eid Akshay Kumar downplays box office battle with Shah Rukh Khan this Eid.Shahrukh and Akshay Kumar - will be clashing at the box office on Eid.
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X