સાચે જ બિપાશાની Boldest ફિલ્મ બની રહેશે Alone : જુઓ તસવીરો

Updated: Wednesday, February 4, 2015, 10:58 [IST]

મુંબઈ, 10 ડિસેમ્બર : અભિનેત્રી બિપાશા બાસુ અગાઉની અનેક ફિલ્મોમાં બોલ્ડ સીન્સ કરી ચુક્યા છે, પરંતુ તેઓ માને છે કે તેમની આગામી ફિલ્મ ઍલોન તેમની અત્યાર સુધીની સૌથી વધુ બોલ્ડ ફિલ્મ છે.

ભૂષણ પટેલ દિગ્દર્શિત ઍલોન ફિલ્મમાં બંગાળી બાળાએ પોતાના કો-સ્ટાર કરણ સિંહ ગ્રોવર સાથે કેટલાક પૅશનેટ તથા સ્ટીમી સીન્સ આપવામાં તમામ મર્યાદાઓ ઓળંગી દીધી હોય, તેવું લાગે છે.

ઍલોન ફિલ્મના પોસ્ટર અને તે પછીની જેટલી પણ તસવીરો આઉટ થઈ રહી છે, તે બધી બાબતો પણ બિપાશાની આ વાતને સાચી જ ઠેરવી રહી છે કે ઍલોન બિપાશાની બોલ્ડેસ્ટ ફિલ્મ બની રહેશે.

જિસ્મ, રાઝ, રાઝ 3 ડી જેવી અનેક બોલ્ડ ફિલ્મો કરી ચુકેલા બિપાશાએ જણાવ્યું - ઍલોન મારી બોલ્ડેસ્ટ ફિલ્મ બનવા જઈ રહી છે. આટલી બોલ્ડ ફિલ્મ મેં અગાઉ ક્યારેય નથી કરી.

બિપાશાએ કહ્યું - ઍલોન એક પૅશનેટ લવ સ્ટોરી છે. તે ચોક્કસ હૉરર ફિલ્મ છે કે જે લોકોને બિવડાવશે, પણ તે મૂળત્વે લવ સ્ટોરી છે. એક સ્ત્રી અને ભૂત વચ્ચેની પ્રેમ કહાણી છે.

ગત વર્ષે આત્મા અને છેલ્લે ક્રીચર 3ડી જેવી હૉરર ફિલ્મોમાં દેખાઈ ચુકેલા બિપાશા બાસુ ઍલોનમાં કો-જૉઇન્ડ ટ્વિન્સની ભૂમિકા ભજવી રહ્યા છે અને પોસ્ટરમાં તેઓ ખૂબ જ હૉટ તથા સ્કૅરી જણાય છે.