મેલબોર્નમાં યોજાશે અમિતાભ બચ્ચનનું ‘જીવન-પ્રદર્શન’

Updated: Monday, April 1, 2013, 16:06 [IST]

મુંબઈ, 1 એપ્રિલ : બૉલીવુડના મેગાસ્ટાર અમિતાભ બચ્ચને તાજેતરમાં જ પોતાના બ્લૉગના માધ્યમથી જણાવ્યું છે કે 25મી જુલાઈથી શરૂ થનાર મેલબોર્ન ફિલ્મ મહોત્સવ દરમિયાન તેમને સન્માનિત કરાશે. આ મહોત્સવ દરમિયાન અમિતાભ બચ્ચના અત્યાર સુધીના જીવન ઉપર એક પ્રદર્શન પણ યોજાશે.

હાલ પ્રકાશ ઝાની ફિલ્મ સત્યાગ્રહના શૂટિંગમાં વ્યસ્ત અમિતાભ બચ્ચને બ્લૉગ વડે આ માહિતી આપી. સત્યાગ્રહ ફિલ્મમાં કરીના કપૂર તથા અજય દેવગણ પણ મુખ્ય ભૂમિકામાં છે.

અમિતાભ બચ્ચને જણાવ્યું - મેલબોર્ન ફિલ્મ મહોત્સવમાં મારા જીવન ઉપર એક પ્રદર્શન યોજાશે અને મને સન્માનિત કરાશે. અમિતાભે જણાવ્યું કે તેમને 1લી મેના રોજ ધ ગ્રેટ ગેટ્સબાય ફિલ્મના પ્રીમિયર માટે ન્યુયૉર્ક જવાનું છે. અમિતાભ બચ્ચન મેલબોર્ન ફિલ્મ ફેસ્ટિવલ અંગે ખૂબ ઉત્સાહિત છે.

મેલબોર્ન ફિલ્મ મહોત્સવ દરમિયાન અમિતાભ બચ્ચના ફિલ્મી કૅરિયર સાથે જોડાયેલી દરેક નાની-નાની બાબતો પણ શો કરવામાં આવશે.