મા-દીકરા બન્યાં પેટાના હૉટેસ્ટ વેજીટેરિયન સેલિબ્રિટીઝ

મુંબઈ, 3 જાન્યુઆરી : સદીના મહાનાયક અમિતાભ બચ્ચનની ફિટનેસના વખાણ સૌ કરે છે. 70 વર્ષે પણ ખૂબ જ સક્રિય અમિતાભ બચ્ચનની તંદુરસ્તીનો રહસ્ય તેમની નિયમિત દિનચર્યા ગણાય છે કે જેમાં તેઓ કસરતથી લઈ આહાર-વિહારનું ખાસ ખ્યાલ રાખે છે. આપને જણાવી દઇએ કે અમિતાભ બચ્ચનની આ ફિટનેસ પાછળ તેમનું શાકાહારી હોવું પણ છે. તેથી પેટાએ તેમને વર્ષ 2012ના સૌથી ચર્ચિત શાકાહારી વ્યક્તિત્વ છે, તો આ શ્રેણીમાં તેમનો સાથ આપ્યો છે રૂપેરી પડદે તેમના માતા બનનાર વિદ્યા બાલને.

પેટાએ અમિતાભ અને વિદ્યા બંનેને આ ખિતાબથી નવાજ્યાં છે. અમિતાભ અગાઉ પણ ત્રણ વાર આ ઍવૉર્ડથી સન્માનિત થઈ ચુક્યાં છે, તો વિદ્યા બાલન પણ વર્ષ 2010માં આ ખિતાબ પામી ચુક્યાં છે. વિદ્યાએ જણાવ્યું કે તેમને ખુશી છે કે તેમને આ સન્માન મળ્યું છે. શાકાહારી હોવાના કારણે તેમને ભોજન હજમ કરવામાં મદદ મળે છે.

નોંધનીય છે કે People for the Ethical Treatment of Animals (પીપલ ફૉર ધ એથિકલ ટ્રીટમેંટ ઑફ એનિમલ્સ) એટલે કે પેટા જાનવરોના અધિકારો અને સંરક્ષણ માટે અવાજ ઉઠાવતી સંસ્થા છે. તેનો ઉદ્દેશ જ છે પ્રાણીઓને મોતને ઘાટ ઉતારવાથી બચાવવો. તેથી પેટા દર વર્ષે શાકાહારી સેલિબ્રિટીને સન્માને છે.

અમિતાભ અને વિદ્યા બાલને પા ફિલ્મમાં સાથે કામ કર્યું છે. ફિલ્મ સુપર હિટ હતી. ફિલ્મમાં વિદ્યા અમિતાભના માતા બન્યા હતાં. તાજેતરમાં વિદ્યાએ યુટીવી મોશનના હેડ સિદ્ધાર્થ રૉય કપૂર સાથે લગ્ન કર્યાં છે.

English summary

Amitabh Bachchan, Vidya Balan named PETA's hottest vegetarian celebrities.