Pics : અર્પિતા-આયુષે ન્યુયૉર્કમાં કરી હનીમૂનની ઉજવણી...

Updated: Tuesday, December 23, 2014, 9:36 [IST]

મુંબઈ, 23 ડિસેમ્બર : અર્પિતા ખાન... સૉરી અર્પિતા શર્મા ખાન ક્યાં છે? આયુષ શર્મા સાથે લગ્ન કરનાર અર્પિતા ગત મહીને ખૂબ જ ચર્ચામાં રહ્યાં અને રહે પણ કેમ નહીં? આખરે તેઓ આપણા દબંગ ઑફ બૉલીવુડ સલમાન ખાનના બહેન છે. સલમાન ખાન જો પોતે આટલી ચર્ચિત સેલિબ્રિટી હોય, તો તેમની બહેન કઈ રીતે બાકાત રહે.

અર્પિતા ખાન આજકાલ હનીમૂન ઉજવી રહ્યાં છે. તેઓ અમેરિકના ન્યુયૉર્ક ખાતે પતિ આયુષ સાથે નવવૈવાહિક જીવનની ઉજવણી કરી રહ્યાં છે. અર્પિતાએ ગત મહીને પોતાના બૉયફ્રેન્ડ આયુષ શર્મા સાથે લગ્ન કર્યા હતાં. સલમાન ખાને પોતાની આ દત્તક બહેનના લગ્નમાં ધૂમ ખર્ચો કર્યો હતો અને કોઈ કચાસ બાકી રાખી નહોતી.

અર્પિતા ખાન ત્રણ-ત્રણ અભિનેતા ભાઇઓ હોવા છતાં ફિલ્મો અને ફિલ્મી દુનિયાથી દૂર જ રહ્યાં, પણ અરબાઝ ખાનની માનીએ, તો અર્પિતાના પતિ આયુષ શર્મા ફિલ્મી દુનિયામાં આવવા માંગે છે. અરબાઝે કહ્યું - આયુષ બહુ આકર્,ક યુવાન છે. તેમને ફિલ્મોમાં રસ છે અને તેઓ એક્ટર બનવા માંગે છે, પરંતુ તેમનું લૉન્ચિંગ ક્યારે થસે, તે તો સમય જ બતાવશે.

ચાલો હાલ તો આપને બતાવીએ અર્પિતા-આયુષના હનીમૂનની તસવીરો :

અર્પિતા-આયુષ

અર્પિતા ખાન અને આયુષ શર્મા એક-બીજાને એક વરસથી જાણતા હતાં અને અંતે તેમણે લગ્ન કરવાનો નિર્ણય કરી જ લીધો. આયુષના માતા-પિતાએ પણ અર્પિતાને ખુલ્લા દિલે અપનાવી હતી.