Arpita's Reception : શાહરુખ, દિલીપ સહિત ઉમટ્યું બૉલીવુડ

Published: Saturday, November 22, 2014, 11:21 [IST]

મુંબઈ, 22 નેવમ્બર : બૉલીવુડના સુપર સ્ટાર સલમાન ખાને પોતાના બહેન અર્પિતા ખાનના લગ્ન ખૂબ જ ધામધૂમથી હૈદરાબાદ ખાતેના પૅલેસ ફલકનુમામાં કર્યાં. અર્પિતાની મહેંદીથી લઈ સગપણ, લગ્ન વિગેરે સેરેમની ધામધૂમથી થઈ. 21 નવેમ્બરે અર્પિતાના લગ્નનું રિસેપ્શન મુંબઈમાં યોજવામાં આવ્યું કે જ્યાં સલમાન ખાન સહિત અર્પિતાના ત્રણે ભાઇઓ અરબાઝ ખાન અને સોહેલ ખાન ખૂબ ખુશ નજરે પડ્યાં.

અર્પિતાના રિસેપ્શનમાં બૉલીવુડ ઉપરાંત બિઝનેસ જગતમાંથી પણ મોટી-મોટી હસ્તીઓ આવી હતી કે જેમાં નીતા અંબાનીનો સમાવેશ થાય છે. રિસેપ્શનમાં સૌથી ખાસ મહેમાન હતાં શાહરુખ ખાન.

શાહરુખ ખાને એક વખત કરણ જૌહરના શો દરમિયાન કહ્યુ હતું કે મને સંબંધ બનાવતા તો આવડે, પણ હું તેમને જાળવી નથી શકતો. સામાન્ય રીતે હું કંઇકને કંઇક એવુ કરી દઉ છું કે લોકો મારાથી દૂર જતા રહે છે. હું તેમને રિઝવી નથી શકતો, પરંતુ લાગે છે કે ફરી એક વાર શાહરુખ ખાન પોતાના રિસાયેલા સંબંધોને રિઝવવામાં લાગ્યા છે અને સફળ પણ રહ્યા છે.

સલમાનના બહેન અર્પિતાને શાહરુખ પણ બહેન માની છે અને મહેંદી સેરેમનીમાં તેઓએ હાજરી પણ આપી હતી. જોકે શાહરુખ હૈદરાબાદ ન પહોંચી શક્યાં, પરંતુ મુંબઈમાં યોજાયેલ રિસેપ્શનમાં શાહરુખ ખાન મોડેથીય પહોંચ્યા ખરા. શાહરુખ ઉપરાંત અજય દેવગણ, અમૃતા અરોરા, દિલીપ કુમાર, સાયરાબાનુ વિગેરે પણ રિસેપ્શનમાં હાજરી આપી.

ચાલો જોઇએ અર્પિતા-આયુષના રિસેપ્શનની તસવીરો :

અર્પિતા-આયુષ

અર્પિતા ખાન અને આયુષ શર્મા એક-બીજાને એક વરસથી જાણે છે અને અંતે તેમણે લગ્ન કરવાનો નિર્ણય કરી જ લીધો. આયુષના માતા-પિતાએ પણ અર્પિતાને ખુલ્લા દિલે અપનાવી.

સલમાન અને પરિવાર

અર્પિતાના રિસેપ્શન દરમિયાન સલીમ ખાનનો આખો પરિવાર નજરે પડે છે.

ભાઈની બહેની લાડકી

અર્પિતા પોતાના ભાઈ સોહેલ ખાનની સૌથી નજીક છે. ઉપરાંત સલમાન ખાન અને અરબાઝ ખાન પણ અર્પિતાને ખૂબ પ્રેમ કરે છે.

ભાઈની બહેની લાડકી

મીડિયા માટે ખાસ જગ્યા

મીડિયા તથા ફોટોગ્રાફર્સ માટે એક બૅરીકેટિંગ બનાવવામાં આવી હતી. સલમાનના બહેન અર્પિતાના લગ્નને કવર માટે ફોટોગ્રાફર્સ નહોતા આમંત્રાયા. સાથે જ અર્પિતાની મહેંદી અને તેમના સગપણ પણ કવર ન કરવામાં આવ્યાં, પણ રિસેપ્શનમાં ફોટોગ્રાફર્સ ચોક્કસ દેખાયાં.