ભાગ મિલ્ખા ભાગ આ વર્ષની સૌથી ખરાબ ફિલ્મ : નસીરુદ્દીન
મુંબઈ, 19 ડિસેમ્બર : બૉલીવુડના જાણીતા અભિનેતા નસીરુદ્દીન શાહનું કહેવું છે કે આ વર્ષની સૌથી ખરાબ ફિલ્મ તેમને ભાગ મિલ્ખા ભાગ લાગી. ધ ડર્ટી પિક્ચર, ઇશ્કિયા અને હવે ડેઢ ઇશ્કિયા જેવી ફિલ્મો દ્વારા પોતાના અભિનયને નવું જ રૂપ આપનાર નસીરનું કહેવું છે કે ભાગ મિલ્ખા ભાગ ફિલ્મમાં બિલ્કુલ પણ સચ્ચાઈ નહોતી. ફિલ્મમાં માત્ર એ બાબત ઉપર ભાર મૂકવામાં આવ્યો કે મિલ્ખા સિંહ પાકિસ્તાનમાં જીત્યાં અને તેમણે ત્યાંના સૌથી ઝડપી ધાવકને હરાવ્યાં. જ્યાં સુધી એક્ટિંગની વાત છે, તો ફરહાન અખ્તર બહેતરીન હતાં, પણ તેઓ મિલ્ખા સિંહ જેવા બિલ્કુલ નહીં દેખાયાં.
નસીરુદ્દીન શાહ કહે છે - ભાગ મિલ્ખા ભાગમાં ફરહાન અખ્તર ક્યાંયથી પણ મિલ્ખા સિંહ જેવા નહોતા લાગતાં, પણ તેઓ તો રૉકી જેવા દેખાતા હતાં. એક્ટિંગની બાબતમાં જોકે ફરહાને બાજી મારી લીધી, પણ ફિલ્મમાં વધુમાં વધુ એ બાબતને મહત્વ અપાયું કે મિલ્ખા સિંહે પાકિસ્તાન જઈ ત્યાંના ઝડપી ધાવકને હરાવ્યાં, પણ આ ખોટું છે અને આ પ્રકારની ફિલ્મોના કારણે જ પાકિસ્તાન અંગે આપણાં દેશના લોકોના મનમાં ખોટી લાગણીઓ ઉત્પન્ન થાય છે.
Click it and Unblock the Notifications
Sign in with Google
