Bigg Boss OTT 3 : અરમાન મલિક બહુપત્નીત્વના વિવાદમાં કેમ ફસાયો? જાણો ભારતમાં કોણ કરી શકે એકથી વધુ લગ્ન?
Bigg Boss OTT 3 : બીગ બોસ ઓટીટીમાં આવ્યા બાદ અરમાન મલિક તેની બે પત્નીઓને લઈને વિવાદમાં છે. તેના પર કાયદા વિરૂદ્ધ જઈને બે લગ્ન કરવાના આરોપ લાગી રહ્યાં છે.
અરમાન મલિક અને તેની બે પત્નીઓ પાયલ મલિક અને કૃતિકા મલિક ચર્ચામાં છે. આ ત્રણેય સોશિયલ મીડિયા પર ખૂબ જ લોકપ્રિય છે.
બિગ બોસ OTT 3માં મલિક પરિવારની એન્ટ્રીને લઈને ઘણો હોબાળો થયો હતો. શોના દર્શકોથી લઈને સેલેબ્સ સુધી ઘણા લોકોએ ત્રણેય પર બહુપત્નીત્વને પ્રોત્સાહન આપવાનો આરોપ લગાવ્યો હતો.
હવે અરમાનની પહેલી પત્ની પાયલ મલિક શોમાંથી બહાર આવી છે. હવે લોકો અનુમાન લગાવી રહ્યા છે કે બહુપત્નીત્વની વધતી જતી ચર્ચા વચ્ચે શોના મેકર્સે પાયલને બહાર કરી દીધી છે, જેથી શોમાંથી કોઈ ખોટો મેસેજ ન જાય. આ દરમિયાન સવાલો ઉઠી રહ્યા છે કે શું યુટ્યુબર અરમાન મલિકના બંને લગ્ન માન્ય છે?
બહુપત્નીત્વ શું છે?
બહુપત્નીત્વ લગ્ન એટલે કે અગાઉ ભારતમાં એક કરતાં વધુ પત્ની રાખવાની પરંપરા હતી. ભારતમાં કાયદો ઇસ્લામ સિવાયના તમામ ધર્મોમાં એક કરતાં વધુ લગ્નની મંજૂરી આપતો નથી. ભારતમાં હિન્દુઓ માટે બહુપત્નીત્વ લગ્ન ગેરકાયદેસર છે.
ભારતમાં બહુપત્નીત્વ અંગેના કાયદા
ભારતમાં બહુપત્નીત્વની પ્રથા સદીઓ જૂની છે. જેમાં એક પુરુષ એક કરતાં વધુ પત્નીઓ રાખી શકે છે. રામાયણ અને મહાભારતમાં આ પ્રથાનો ઉલ્લેખ છે. જો કે, હિંદુ લગ્ન અધિનિયમ 1955 દ્વારા આ પ્રથાને ગેરકાયદેસર ઠેરવવામાં આવી હતી.
ભારતીય દંડ સંહિતા મુજબ બહુપત્નીત્વ ગેરકાનૂની છે. ઇસ્લામ સિવાય હિન્દુ ધર્મમાં એક પત્ની હોવા છતાં બીજી પત્ની રાખવી એ ગુનો છે. આઈપીસીની કલમ 494 હેઠળ સજા થાય છે.
આ કલમ હેઠળ જો કોઈ વ્યક્તિ તેની પ્રથમ પત્ની જીવિત હોય ત્યારે તેને છૂટાછેડા લીધા વિના બીજા લગ્ન કરે તો તે કાનૂની અપરાધ છે. બીજા લગ્નને કોઈ કાનૂની માન્યતા મળતી નથી.
બે પત્નીઓ રાખવા બદલ તેને 7 વર્ષની જેલની સજા અને દંડ પણ ભરવો પડે છે. હિંદુઓ ઉપરાંત, હિંદુ મેરેજ એક્ટ શીખ, જૈન અને બૌદ્ધ ધર્મના લોકોને પણ લાગુ પડે છે.
અરમાન મલિકને થઈ શકે છે સજા?
હિંદુ મેરેજ એક્ટ હેઠળ જો અરમાન મલિકની પહેલી પત્ની પાયલ મલિક ઇચ્છે તો તે કડક કાર્યવાહી કરી શકે છે અને તેની ફરિયાદ નોંધાવી શકે છે. પાયલની ફરિયાદ પર અરમાનના બીજા લગ્ન રદ કરવામાં આવી શકે છે અને આ માટે 7 વર્ષ સુધીની જેલ થઈ શકે છે.
Click it and Unblock the Notifications
Sign in with Google
