મને જે સારૂં લાગે, તે જ કપડાં પહેરું છું : બિપાશા
મુંબઈ, 1 માર્ચ : ફિટનેસ આઇકૉન બિપાશા બાસુ તેવા લોકોથી ત્રસ્ત થઈ ગયાં છે કે જેમનું કહેવું છે કે બિપાશા કાયમ ટાઇટ કપડામાં જ દેખાય છે. બિપાશાએ જણાવ્યું - મને આ લોકોના કહેવાથી કોઈ ફેર નથી પડતો. હું તે જ પહેરુ છું કે જે મને સારૂં લાગે છે.
પ્રોમાર્ટની બ્રાંડનું ઉદ્ઘાટન કરતાં બિપાશા બાસુએ જણાવ્યું કે તેઓ ક્યારેય ફૅશનના નિયમોનું પાલન નથી કરતાં. તેમણે જણાવ્યું - મારી નજરમાં ફૅશનની વ્યાખ્યા આરામ છે કે જે કપડાંમા આપ પોતાની જાતને સહજ અને સુંદર અનુભવો, તે પહેરો. તેથી હું ફૅશનની આંધીમાં આંધળી થઈ ભાગતી નથી.
જોકે હાલ બિપાશા બાસુ એક હૉરર ફિલ્મમાં વ્યસ્ત છે. 22મી માર્ચના રોજ રિલીઝ થનાર આ ફિલ્મના દિગ્દર્શક સુપર્ણ વર્મા છે, જ્યારે ફિલ્મના હીરો નવાઝુદ્દીન સિદ્દીકી છે. આ ફિલ્મના પોસ્ટર લૉન્ચિંગ પ્રસંગે બિપાશાએ જણાવ્યું હતું કે તેઓ હૉરર ફિલ્મોના પર્યાય બની ચુક્યાં છે અને તે વાતથી ખૂબ ખુશ છે.
Click it and Unblock the Notifications
Sign in with Google
