Birthday: આલિયા ભટ્ટ ફિલ્મ માટે વસૂલે છે મોટી ફી, મુંબઈ અને વિદેશમાં પણ છે આલીશાન ઘર, જાણો કુલ નેટવર્થ
Alia Bhatt Birthday: બૉલિવુડ એક્ટ્રેસ આલિયા ભટ્ટે પોતાની દમદાર એક્ટિંગથી ઈન્ડસ્ટ્રીમાં એક સ્થાન બનાવ્યું છે. તેણે પોતાના 13 વર્ષના કરિયરમાં ઘણી હિટ ફિલ્મો આપી છે. આજે એટલે કે 15 માર્ચે અભિનેત્રી તેનો 31મો જન્મદિવસ ઉજવી રહી છે. આવો જાણીએ અભિનેત્રીની કુલ નેટવર્થ કેટલી છે.
એક રિપોર્ટ અનુસાર આલિયા ભટ્ટ દર વર્ષે 60 કરોડ રૂપિયાની કમાણી કરે છે. તેની કુલ સંપત્તિ 299 કરોડ રૂપિયા છે. આ સિવાય તે જાહેરાતોમાંથી પણ સારી એવી કમાણી કરે છે. આલિયા ભટ્ટ એક જાહેરાત માટે લગભગ 1 કરોડ રૂપિયા ચાર્જ કરે છે.
આલિયા ભટ્ટ એક ફિલ્મ માટે લગભગ 12 કરોડ રૂપિયા ચાર્જ કરે છે. જો કે, તેણે ફિલ્મ 'ગંગુબાઈ કાઠિયાવાડી' માટે 20 કરોડ રૂપિયા ચાર્જ કર્યા હતા. આ ફિલ્મ માટે તેને બેસ્ટ એક્ટ્રેસનો એવોર્ડ પણ મળ્યો હતો. આલિયા ભટ્ટનું પોતાનું પ્રોડક્શન હાઉસ પણ છે. જેની અંદાજિત કિંમત 150 કરોડ રૂપિયા છે.
આ ઉપરાંત તે બિઝનેસમાંથી પણ કરોડોની કમાણી કરે છે. આલિયા ભટ્ટે પણ પોતાના દમ પર કરોડોની પ્રોપર્ટી ખરીદી છે. તેની પાસે મુંબઈમાં બે ફ્લેટ છે જેની કિંમત 13 કરોડ અને 32 કરોડ રૂપિયા છે. આ સિવાય તેની પાસે લંડનમાં એક આલીશાન ઘર પણ છે જેની કિંમત લગભગ 37 કરોડ રૂપિયા છે.
આલિયા ભટ્ટ પ્રખ્યાત નિર્દેશક મહેશ ભટ્ટની પુત્રી છે, તેથી તે બાળપણથી જ લક્ઝરી લાઈફ જીવી રહી છે. પરંતુ જો તેના કાર કલેક્શનની વાત કરીએ તો તેની પાસે ઘણી મોંઘી કાર છે. જેમાં બીએમડબ્લ્યુ, બે ઑડી અને એક રેન્જ રોવર છે.
તમને જણાવી દઈએ કે આલિયા ભટ્ટે ફિલ્મ સ્ટુડન્ટ ઑફ ધ યરથી ઈન્ડસ્ટ્રીમાં એન્ટ્રી કરી હતી. તેણે આ ફિલ્મ માટે લગભગ 15 લાખ રૂપિયા ચાર્જ કર્યા હતા. આ પછી તેણે રાઝી, હાઈવે, 2 સ્ટેટ્સ, ડિયર જિંદગી, શાનદાર, બદ્રીનાથ કી દુલ્હનિયા જેવી ઘણી સુપરહિટ ફિલ્મો આપી. આજે તે બૉલિવુડ સુપરસ્ટાર રણબીર કપૂરની પત્ની છે. બંનેના લગ્ન 14 એપ્રિલ 2022ના રોજ થયા હતા. થોડા મહિના પછી તેણે પુત્રી રાહાને જન્મ આપ્યો.
Click it and Unblock the Notifications
Sign in with Google
