Latest Photoshoot : ફૅમિના માટે ‘કામુક’, તો એડ માટે બૅલે ડાન્સ કરતાં દીપિકા

Updated: Wednesday, August 27, 2014, 12:04 [IST]

મુંબઈ, 27 ઑગસ્ટ : દીપિકા પાદુકોણે આજકાલ સફળતાના નશામાં ચૂર છે. તેમની બે-બે મહત્વની ફિલ્મો રિલીઝની લાઇનમાં છે કે જેમાં ફાઇંડિંગ ફૅની અને હૅપ્પી ન્યુ ઈયરનો સમાવેશ થાય છે, તો તમાશા અને બાજીરાવ મસ્તાની જેવી ફિલ્મો આવતા વર્ષે રિલીઝ થવાની છે.

દીપિકાની બૉલીવુડમાં વધતી શાખના કારણે મૅગેઝીન કવરો પર પણ તેઓ હૉટ ડિમાંડ બનતા જાય છે. દીપિકા પાદુકોણે ફૅમિના મૅગેઝીનના કવર પેજ પર પણ સ્થાન પામ્યા છે કે જેનું અંક સપ્ટેમ્બરમાં રિલીઝ થવાનુ છે. દીપિકા પાદુકોણે ફૅમિનાના કવર પેજ પર સફેદ ફૉર્મલ આઉટફિટમાં છે અને વાળને અંબોડામાં ટાઇટ બાંધી રાખ્યા છે. મૅગેઝીનના સપ્ટેમ્બર એડિશનનું ઇશ્યુ ઇંડિયાની મોસ્ટ પાવરફુલ વુમન પર આધારિત છે.

ફૅમિના મૅગેઝીનના ટાઇટલ મુજબ જ દીપિકા પાદુકોણેનો લુક પણ પાવરફુલ મહિલાની જેમ નજરે પડે છે. એટલુ જ નહીં, દીપિકાએ થોડાક સમય અગાઉ જ એક એડ માટે બૅલે ડાન્સ પરફૉર્મ કર્યુ છે. આ એક ડિફિકલ્ટ ડાન્સ છે. ઈશા શરવાની, અદા શર્મા જેવી અભિનેત્રીઓ બાદ દીપિકા એક એડમાં બૅલે ડાન્સ પરફૉર્મ કરતા નજરે પડવાના છે. પૅરાશૂટની એક એડમાં દીપિકાએ બૅલે ડાન્સ કર્યો છે અને તેના માટે ફોટોશૂટ પણ કરાવ્યુ છે. ખૂબ ઓછા સમયમાં જ દીપિકાએ ઘણી સિદ્ધિઓ હાસલ કરી છે. દીપિકાએ આ મુકામે પહોંચવા માટે સખત મહેનત પણ કરી છે. ઓમ શાંતિ ઓમથી રામલીલા સુધીની સફરમાં દીપિકાએ ઘણા પ્રકારના પાત્રો ભજવ્યા છે.

ચાલો આપને બતાવીએ દીપિકા પાદુકોણેના બંને લેટેસ્ટ ફોટોશૂટ :