YPD 2 In Pics : સંજયને સજાથી દુઃખી દેઓલ પરિવાર

Published: Friday, March 29, 2013, 16:29 [IST]

મુંબઈ, 29 માર્ચ : જાણીતા અભિનેતા સંજય દત્તને સુપ્રીમ કોર્ટે સજા ફરમાવતાં બૉલીવુડ ખૂબ દુઃખી છે અને આ દુઃખમાં દેઓલ પરિવાર પણ સંજય દત્તની સાથે છે. જોકે દેઓલ પરિવારનું કહેવું છે કે આ બાબતમાં કોઈ કશુ કરી શકતું નથી. આખરે ભૂલ કરી હોય, તો સજા તો મળવાની જ છે.

પોતાની યમલા પગલા દીવાના 2 ફિલ્મના ફર્સ્ટ લુક અને ટ્રેલર રિલીઝ પ્રસંગે ધર્મેન્દ્રે જણાવ્યું - સંજય દત્ત અમારા પરિવારના સભ્ય જેવાં જ છે અને મને પુરતો વિશ્વાસ છે કે તેઓ ટુંકમાં જ બહાર આવી જશે. સંજય દત્ત મારા દિલની ખૂબ નજીક છે. અમે ઘણી ફિલ્મોમાં સાથે કામ કર્યું છે. હું તેમને થયેલી સજા અંગે દુઃખ અનુભવું છું, પરંતુ આ બાબતમાં કંઈ કરી શકાય તેમ નથી. ભૂલ તો આખરે ભૂલ જ હોય છે. નોંધનીય છે કે ધર્મેન્દ્ર અને સંજય દત્તે ઇલાકા અને હથિયાર જેવી ફિલ્મોમાં સાથે કામ કર્યું છે, તો સન્ની દેઓલે યોદ્ધા તેમજ ક્ષત્રિય જેવી ફિલ્મોમાં સંજય સાથે કામ કર્યું છે.

ધર્મેન્દ્રના નાના પુત્ર બૉબી દેઓલે પણ સંજય દત્તને સજા અંગે દુઃખ વ્યક્ત કર્યું અને જણાવ્યું - સંજય દત્ત સ્વિટ હાર્ટ છે. મને લાગે છે કે ટુંકમાં જ બધું ઠીક થઈ જશે.

ખેર હાલ તો આપને બતાવીએ વાયપીડી 2 ફિલ્મની તસવીરી ઝલક.