ડીનો મોરિયાના ઘરે થઈ ચોરી
મુંબઈ, 27 ઑક્ટોબર : બૉલીવુડના ચૉકલેટી હીરો રહેલાં ડીનો મોરિયાના ઘરે ગઈકાલે રાત્રે ચોરી થઈ ગઈ, પરંતુ આ વાત જાહેર થતા પહેલાં જ પોલીસે ચોરોને રંગે હાથ ઝડપી પાડ્યાં. મુંબઈ પોલીસની આવી ચુસ્તીથી ડીનો ઘણાં પ્રભાવિત થયાં અને હવે તેઓ મુંબઈ પોલીસના વખાણ કરતાં નથી થાકતાં.
પોતાના સોશિયલ નેટવર્કિંગ આઈડી ટ્વિટર વડે ડીનોએ પહેલાં તો પોતાના ઘરે ચોરીની વાત પોતાના ફૅન્સ સુધી પહોંચાડી અને પછી મુંબઈ પોલીસના આ સાહસભર્યા કાર્ય માટે તેના વખાણ કર્યાં.
ડીનો મોરિયા સૌપ્રથમ ટ્વિટ કર્યું - મુંબઈ પોલીસ બહેતરન છે. આજે સવારે મારા ઘેર ચોરી થઈ ગઈ અને પોલીસ તથા મેં મળી ચોરોને શોધી કાઢી તેમને ઝડપી પાડ્યાં. જય હો મુંબઈ પોલીસ. આના પછી ડીનોએ લખ્યું - મારી ભાષાને માફ કરશો કારણ કે... ચોરોની આટલી હિમ્મત થઈ ગઈ કે જ્યારે હું સુઈ રહ્યો હતો, ત્યારે તેઓ મારા બેડરૂમમાં ઘુસી આવ્યાં.
મુંબઈ પોલીસની સાથે-સાથે ડીનોએ એપલ ટેક્નોલૉજીને પણ થૅંક્સ કહેતાં લખ્યું - થૅંક્સ ટુ એપલ ટેક્નોલૉજી અને આપણી મુંબઈ પોલીસ. હવે બધુ ઠીક છે, પરંતુ હજુય હું સુતા ચોરોને પોતાના ચહેરાની સામે જોતા અનુભવી રહ્યો છું અને આ અનુભવ બહુ ખરાબ છે.
ડીનો મોરિયાનું ઘર મુંબઈના બાંદ્રા વિસ્તારમાં લિયો સ્ટ્રીટે આવેલ છે. આજે સવારે જ્યારે ડીનો સુઈને ઉઠ્યા, ત્યારે તેમને ખબર પડી કે તેમના ઘરે ચોરી થઈ છે અને આ અંગેની માહિતી તેમણે તરત જ પોલીસને આપી.