દિશા પાટનીના ઘરે ફાયરિંગ કરનારા આરોપીઓ એન્કાઉન્ટરમાં ઠાર

બોલિવૂડ અભિનેત્રી દિશા પાટનીના ઘરે ફાયરિંગ કરવાના કેસમાં બે મુખ્ય શૂટરને ઉત્તર પ્રદેશ STFએ એન્કાઉન્ટરમાં ઠાર કર્યા છે.

આ ઘટના બુધવારે (17 સપ્ટેમ્બર) ગાઝિયાબાદના ટ્રોનિકા સિટી વિસ્તારમાં બની. મૃતક આરોપીઓની ઓળખ રવિન્દ્ર (રોહતક) અને અરુણ (સોનીપત) તરીકે થઈ છે.

12 સપ્ટેમ્બરના રોજ વહેલી સવારે લગભગ 3:45 વાગ્યે બે બાઇક સવાર અજાણ્યા બદમાશોએ દિશા પટણીના પરિવારના બરેલી સ્થિત ઘરે 8-10 રાઉન્ડ ફાયરિંગ કર્યું હતું. આ ઘટનામાં કોઈ જાનહાનિ થઈ ન હતી, પરંતુ સમગ્ર શહેરમાં ભયનો માહોલ ફેલાઈ ગયો હતો.

ફાયરિંગની ઘટના બાદ દિશા પાટનીના પિતા અને નિવૃત્ત ડીએસપી જગદીશ સિંહ પટણીએ મુખ્યમંત્રી યોગી આદિત્યનાથ સાથે વાત કરી હતી. સીએમ યોગીએ તેમને સુરક્ષાની ખાતરી આપી હતી અને તાત્કાલિક કાર્યવાહી કરવાનો આદેશ આપ્યો હતો.

એસટીએફના જણાવ્યા અનુસાર, આરોપીઓના તાર કુખ્યાત રોહિત ગોદારા-ગોલ્ડી બ્રાર ગેંગ સાથે જોડાયેલા હોવાનું સામે આવ્યું છે. એન્કાઉન્ટર સ્થળેથી STFએ પિસ્તોલ સહિત મોટી માત્રામાં કારતૂસ પણ જપ્ત કર્યા છે.

પોલીસે સીસીટીવી ફૂટેજ અને અન્ય પુરાવાના આધારે તપાસ શરૂ કરી હતી અને આ બે આરોપીઓને ઓળખી કાઢ્યા હતા. આખરે આજે STF સાથેની અથડામણમાં બંને શૂટર ઠાર થયા છે.

English summary

Disha Patani House Firing: Accused Shooters Killed in STF Encounter