હવે ડોલી ઉઠશે સોનમની!!! તસવીરો સાથે જુઓ આવનારી ફિલ્મો

Published: Monday, March 24, 2014, 17:40 [IST]

મુંબઈ, 24 માર્ચ : બૉલીવુડ અભિનેતા અનિલ કપૂરની પુત્રી સોનમ કપૂરનું કૅરિયર હવે પુરપાટે દોડતુ થયું છે. સાવરિયા જેવી સારી ફિલ્મથી શરુઆત કર્યા છતાં આરંભે સંઘર્ષ કરનાર સોનમ માટે 2013 સફળતા લઈને આવ્યુ હતું અને તેમની બે ફિલ્મો રાંઝણા તથા ભાગ મિલ્ખા ભાગ સુપર હિટ રહી હતી.

સોનમ કપૂર માટે 2014ની શરુઆત પણ સારી થઈ કે જેમાં તેમની પ્રથમ ફિલ્મ બેવકૂફિયાં રિલીઝ થઈ. આયુષ્માન ખુરાના સાથેની ફિલ્મ બેવકૂફિયાં જોકે સોનમની બિકિનીના કારણે વધુ ચર્ચામાં રહી. છતા ફિલ્મને સારી સફળતા મળી. હવે સોનમ કપૂરની ડોલી ઉઠવાની છે. આ શીર્ષક વાંચીને કદાચ સોનમના ફૅન્સ આંચકો લાગે, પરંતુ અહીં રીયલ લાઇફની નહીં, પણ રીલ લાઇફની વાત થઈ રહી છે.

સોનમ કપૂરની આગામી ફિલ્મનું નામ છે ડૉલી કી ડોલી કે જેનું શૂટિંગ આગામી 31મી માર્ચથી શરૂ થવા જઈ રહ્યું છે. અરબાઝ ખાનની આ ફિલ્મ માટે સોનમનું લુક ટેસ્ટ આજથી શરૂ થઈ ગયું છે. અરબાઝ ખાને સોમવારે ટ્વીટ કર્યું - ડૉલી કી ડૉલીનું શૂટિંગ 31મી માર્ચથી શરૂ થઈ રહ્યું છે. સોનમ કપૂર દ્વારા લુક ટેસ્ટ માટે આજે અલગ-અલગ રૂપ ધારણ કરવામાં આવી રહ્યાં છે. એક મજાનો દિવસ હોવો જોઇએ.

ચાલો તસવીરો સાથે જોઇએ કે સોનમે શું કહ્યું આ અંગે અને તેમની વધુ આગામી ફિલ્મો કઈ-કઈ છે :

સોનમ નવા રૂપ અંગે ઉત્સાહિત

સોનમ કપૂરે ટ્વીટ કર્યું - ડૉલી કી ડોલી માટે લુક ટેસ્ટ... ડૉલી માટે જુદા-જુદા રૂપો શોધવા માટે બહુ ઉત્સાહિત છું.

પુલકિત સમ્રાટ પણ

ડૉલી કી ડોલી ફિલ્મમાં પુલકિત સમ્રાટ પણ છે. ફિલ્મનું દિગ્દર્શન નવોદિત દિગ્દર્શખ અભિષેક ડોગરા કરશે.

ખૂબસૂરત

સોનમ કપૂરની આગામી ફિલ્મોમાં ખૂબસૂરતનો પણ સમાવેશ થાય છે કે જે રેખાની ખૂબસૂરત ફિલ્મની રીમેક છે. આ ફિલ્મ અનિલ કપૂર બનાવી રહ્યાં છે. ફિલ્મમાં તેમના હીરો ફવાદ ખાન છે.