દુર્ગા પૂજા પંડાલમાં લાગ્યો બૉલિવુડ સ્ટાર્સનો જમાવડો, જુઓ મજાક-મસ્તીથી ભરપૂર Photos

ઘણા બૉલિવુડ સ્ટાર્સ દુર્ગા પૂજા પંડાલમાં જઈને દેવી માના આશીર્વાદ લઈ રહ્યા છે. આ પ્રસંગે ઘણા સ્ટાર્સ સોમવારે પંડાલમાં જોવા મળ્યા.

મુંબઈઃ હાલમાં સમગ્ર દેશમાં નવરાત્રિની ધૂમ છે. લોકો દેવી માના દરબારમાં આશીર્વાદ લેવા પહોંચી રહ્યા છે. પૂજા પંડાલોમાં પણ લોકો મોટી સંખ્યામાં આ વર્ષે દર્શન કરવા જઈ રહ્યા છે. બૉલિવુડ સ્ટાર્સ પણ આમાં પાછળ નથી. ઘણા બૉલિવુડ સ્ટાર્સ દુર્ગા પૂજા પંડાલમાં જઈને દેવી માના આશીર્વાદ લઈ રહ્યા છે. આ પ્રસંગે ઘણા સ્ટાર્સ સોમવારે પંડાલમાં જોવા મળ્યા. સોમવારે કાજોલ, જયા બચ્ચન, નિર્દેશક અયાન મુખર્જી સહિત ઘણા સ્ટાર્સ પંડાલમાં જોવા મળ્યા. આ દરમિયાન બધા એકસાથે ઘણી હસી-મજાક કરતા અને ક્વૉલિટી ટાઈમ પસાર કરતા જોવા મળ્યા. તમે પણ જુઓ આ ખાસ ફોટા -

કાજોલ-રાની મુખર્જી

કાજોલ અને રાની મુખર્જી સાડીમાં પૂજા પંડાલમાં દેવી માના આશીર્વાદ લેવા માટે પહોંચ્યા. આ દરમિયાન બંને અભિનેત્રીઓ ખૂબ જ સુંદર લાગી રહી હતી. બંને સાથે હસી-મજાક કરતી પણ જોવા મળી હતી.

રણબીર પણ પહોંચ્યો

રણબીર કપૂરની ફિલ્મ 'બ્રહ્માસ્ત્ર' હાલમાં જ રિલીઝ થઈ અને હિટ પણ થઈ છે. રણબીર કપૂર ખુદ પણ પંડાલમાં અયાન મુખર્જી સાથે પહોંચ્યો.

અયાન મુખર્જી-મૌની રૉય

નિર્દેશક અયાન મુખર્જી અને અભિનેત્રી મૌની રૉય પણ પૂજાના પંડાલમાં સ્પૉટ કરવામાં આવ્યા. મૌની રૉયે આ દરમિયાન સફેદ સાડી પહેરી હતી અને તે ઘણી સુંદર લાગી રહી હતી.

બધા સાથે દેખાયા

આ દરમિયાન કાજોલ, જયા બચ્ચન, નિર્દેશક અયાન મુખર્જી, તનીષા મુખર્જી, રાની મુખર્જી, તનુજા સહિત ઘણા સ્ટાર્સ એકબીજા સાથે વાત અને હસી-મજાક કરતા જોવા મળ્યા.

કાજોલે પ્રેમથી બતાવ્યો ગુસ્સો

કાજોલ અને જયા બચ્ચનનો એક વીડિયો સોશિયલ મીડિયા પર વાયરલ થઈ રહ્યો છે જેમાં પાપારાઝી સામે કાજોલ જયા બચ્ચનને કહી રહી છે - માસ્ક તો હટાવવુ પડશે, ભલે ગમે તે થઈ જાય. ખાસ વાત એ છે કે કાજોલના પ્રેમભર્યા ગુસ્સા પછી જયા બચ્ચને માસ્ક હટાવીને ખુશીથી બધા સાથે પોઝ આપ્યા હતા.

સાડીમાં લાગી રહ્યા હતા સુંદર

પૂજાના પ્રસંગે બધી અભિનેત્રીઓ સાડીમાં જોવા મળી. સહુ કોઈ ખૂબ જ સુંદર લાગી રહ્યા હતા. આ ફોટા સોશિયલ મીડિયા પર છવાયેલા છે.

રણબીર-મૌની અને અયાન

આ દરમિયાન બ્રહ્માસ્ત્રની ટીમ પણ પંડાલમાં દેવીમાના આશીર્વાદ લેવા માટે પહોંચી ગયા. મૌની રૉય, અયાન મુખર્જી અને રણબીર કપૂરે એકસાથે પાપારાઝીને પોઝ પણ આપ્યા.

English summary

Durga Puja 2022: Kajol, Ranbir Kapoor, Jaya Bachchan and many bollywood stars spotted together in Durga Puja Pandal.