‘સર્ચ’માં ફેરવાઈ ‘તલાશ’, આમિરને લાગ્યો ઝાટકો

મુંબઈ, 28 ઑક્ટોબર. આમિર ખાનની આગામી ફિલ્મ તલાશ અંગે ચર્ચાઓ ચાલી રહી છે. થિયેટરોમાં ફિલ્મનું એડવાંસ બુકિંગ ચાલુ છે. ફિલ્મ અંગે થિયેટર વાળાઓ પણ ખૂબ ઉત્સુક છે કારણ કે ફિલ્મ આમિરની છે. ફિલ્મની એડવાંસ બુકિંગ ગત 25મી નવેમ્બરથી શરૂ થઈ ચુક્યુ છે. પ્રથમ જ દિવસે 700 ટિકિટો વેચાઈ ચુકી છે. આ વાત જાણી એક બાજુ આમિર ખાન ખૂબ જ ખુશ હશે, પરંતુ બીજી બાજુ દુનિયાના સૌથી મોટા સર્ચ એંજીન ગૂગલે તેમને જોરદાર ઝાટકો આપ્યો છે.

હકીકતમાં આમિર ખાને ગૂગલને પોતાની આવનાર ફિલ્મ તલાશ માટે એક રિક્વેસ્ટ મોકલી હતી. તેમાં આગ્રહ કરાયો હતો કે ગૂગલ પોતાના હોમપેજ ઉપર તલાશ ફિલ્મ પ્રમોટ કરે, પરંતુ ગૂગલે જ્યારે ‘તલાશ'નું અંગ્રેજી અનુવાદ કર્યું, તો તે ‘સર્ચ'માં ફેરવાઈ ગયું. તેથી ગૂગલે આમિર ખાનના મંસૂબા પર પાણી ફેરવતાં રિક્વેસ્ટ રદ્દ કરી નાંખી. તેથી આમિર ખાનને મોટો આંચકો લાગ્યો.

ખેર, આમ છતાં આમિર ખાન પોતાની ફિલ્મ તલાશના પ્રમોશમાં જોરશોરથી લાગેલાં છે. ફિલ્મ 30મી નવેમ્બરના રોજ રિલીઝ થઈ રહી છે. સસ્પેંસ થ્રિલર ફિલ્મમાં આમિર ખાન ઉપરાંત રાણી મુખર્જી અને કરીના કપૂર પણ છે.

રીમા કાગતી દિગ્દર્શિત અને લિખિત ફિલ્મ તલાશમાં જોયા અખ્તરે પણ પટકથા લેખનમાં મદદ કરી છે. ફિલ્મના ગીતો પસંદ કરાઈ રહ્યાં છે. સમીક્ષકોની માનીએ તો તલાશ આમિર ખાનની ફિલ્મને એક નવો મુકામ આપશે.

English summary

Aamir made a request to search engine giant Google to promote his movie Talaash but Google rejected his request.