Ajay Devgn Accident: બોલીવુડ એક્ટર અજય દેવગનને નડ્યો અકસ્માત, આંખમાં થઇ ગંભીર ઇજા

Ajay Devgn Accident: બોલીવુડ એક્ટર અજય દેવગનને લઇને એક મોટા સમાચાર સામે આવી રહી છે. સમાચાર છે કે, અજય દેવગનને સિંઘમ અગેઇનની શુટિંગ દરમિયાન ગંભીર ઈજાઓ પહોંચી છે. ઉલ્લેખનીય છે કે, અજય દેવગન છેલ્લા કેટલાક સમયથી પોતાની અપકમિંગ ફિલ્મ સિંઘમ અગેઇનની શુટિંગમાં વ્યસ્ત છે.

તાજેતરમાં સિંઘમ અગેઇન ફિલ્મનું એક પોસ્ટર શેર કરીને, તેમણે ચાહકોને ફિલ્મમાં તેના એક્શનથી ભરપૂર અવતારની ઝલક પણ આપી હતી. હાલમાં એવું કહેવામાં આવી રહ્યું છે કે, સિંઘમ અગેઇન ફિલ્મના એક સીનનું શૂટિંગ કરતી વખતે એક્ટર ખરાબ રીતે ઘાયલ થયો છે.

અજય દેવગન ગંભીર રીતે ઘાયલ - મિડ-ડેના રિપોર્ટ પ્રમાણે, અજય દેવગન બોલીવુડના ફેમસ ડિરેક્ટર રોહિત શેટ્ટી અને તેની ટીમ સાથે વિલે પાર્લેમાં ફિલ્મ સિંઘમ અગેઇન માટે શૂટિંગ કરી રહ્યો હતો. અજય દેવગન એક લડાયક સિક્વન્સનું શૂટિંગ કરી રહ્યો હતો, ત્યારે આકસ્મિક રીતે અભિનેતાના ચહેરા પર ફટકો વાગી ગયો, જેના કારણે તેની આંખમાં ઈજા થઈ હતી.

શૂટિંગ દરમિયાન અજય દેવગનની આંખમાં થઈ ઈજા - મળતી માહિતી મુજબ, ઈજા બાદ અજય દેવગને થોડા કલાકો માટે બ્રેક લીધો હતો અને ડૉક્ટર દ્વારા તેની સારવાર પણ કરવામાં આવી હતી. આ સમય દરમિયાન રોહિત શેટ્ટીએ કામ પર અસર પડવા ન દીધી અને બાકીના સીન્સનું શૂટિંગ અજય દેવગન વિના ચાલુ રાખ્યું. બાદમાં, અજય થોડો સ્વસ્થ થયા પછી તેણે ફરીથી શૂટિંગ શરૂ કર્યું હતું.

સિંઘમ અગેઇનમાં અજય દેવગનનો રોલ - રોહિત શેટ્ટીની આગામી ફિલ્મ સિંઘમ અગેઇન સિંઘમ ફ્રેન્ચાઇઝીનો ત્રીજો ભાગ છે. આ ફિલ્મમાં અજય દેવગન લીડ હીરો તરીકે જોવા મળશે. ફિલ્મમાં અક્ષય કુમાર, કરીના કપૂર ખાન, દીપિકા પાદુકોણ અને રણવીર સિંહ પણ મુખ્ય ભૂમિકામાં જોવા મળશે. આ સિવાય શિલ્પા શેટ્ટી અને ટાઈગર શ્રોફ પણ સિંઘમ અગેઇનમાં કેમિયો રોલમાં જોવા મળશે. આ ફિલ્મ વર્ષ 2024માં સિનેમાઘરોમાં રિલીઝ થશે.

English summary

Ajay Devgn Accident: Bollywood actor Ajay Devgn met with an accident, suffered serious eye injuries