'પુષ્પારાજ' કરશે હોલીવુડમાં ડેબ્યૂ, સુપર હિરોના અવતારમાં જોવા મળશે અલ્લુ અર્જુન

સાઉથની ફિલ્મોની સાથે સાઉથના સ્ટાર્સ પણ ખૂબ ચર્ચામાં રહે છે. રામ ચરણ હોય કે KGF2 ની ફેમ દરેક વ્યક્તિ પોતાના લુક્સને લઈને ચર્ચામાં રહે છે. સાઉથની ફિલ્મોએ બોક્સ ઓફિસ પર બોલીવુડની ફિલ્મો પર પાણી ફેરવી દીધું છે. પહેલા સાઉથના સ્ટાર્સ બોલીવુડમાં ડેબ્યૂ કરવાનું વિચારતા હતા, પરંતુ હવે તેઓ આ બધાથી એક ડગલું આગળ વધી ગયા છે.

ફિલ્મ 'પુષ્પાઃ ધ રાઇઝ' થી ચર્ચામાં છે અલ્લુ અર્જુન

ફિલ્મ 'પુષ્પાઃ ધ રાઇઝ'થી ચર્ચામાં આવેલા સાઉથના સુપરસ્ટાર અલ્લુ અર્જુનનું નામ હાલના દિવસોમાં ફરી ચર્ચામાં આવ્યું છે. કહેવામાંઆવી રહ્યું છે કે, ધનુષ બાદ અલ્લુ અર્જુન પણ હોલીવુડમાં ડેબ્યુ કરવા માટે તૈયાર છે.

અલ્લુ અર્જુન હોલીવુડમાં ડેબ્યુ કરશે

સાઉથના સ્ટાર ધનુષે તાજેતરમાં જ ફિલ્મ 'ગ્રે મેન'થી હોલીવુડમાં ડેબ્યુ કર્યું હતું. ત્યારથી તેના વિશે ઘણી ચર્ચા થઈ રહી છે.

ઉલ્લેખનીય છેકે, ધનુષે હોલીવુડની સાથે સાથે બોલીવુડમાં પણ પોતાનો જલવો બતાવ્યો છે. હવે એ જ પગલે ચાલતા અલ્લુ અર્જુન પણ હોલીવુડમાં ડેબ્યુકરવા જઈ રહ્યો છે.

View this post on Instagram

A post shared by Allu Arjun (@alluarjunonline)

સુપરહીરોના અવતારમાં દેખાશે અલ્લુ અર્જુન

પિંકવિલાના અહેવાલો અનુસાર, સાઉથ સ્ટારે ન્યૂયોર્કમાં ઈન્ડિયા ડે પરેડ દરમિયાન હોલીવુડના ફિલ્મ નિર્માતાઓ સાથે વાત કરી છે.

કહેવામાં આવી રહ્યું છે કે, અલ્લુ સુપરહીરો ફ્રેન્ચાઈઝીના ઘણા મોટા લોકોને મળ્યો છે. જો આ સમાચાર સાચા હોય તો અલ્લુ અર્જુન ટૂંકસમયમાં જ માર્વેલ સિનેમેટિક યુનિવર્સ ફિલ્મમાં સિરીઝમાં સુપરહીરોના રોલમાં જોવા મળી શકે છે.

ઉલ્લેખનીય છે કે, તાજેતરમાં બોલીવુડએક્ટર ફરહાન અખ્તર માર્વેલ સિનેમેટિક યુનિવર્સનો હિસ્સો બન્યો છે.

સુપરહિટ રહી હતી અલ્લુ અર્જુનની આ ફિલ્મ

અલ્લુ અર્જુનની ફિલ્મ 'પુષ્પાઃ ધ રાઇઝ' બોક્સ ઓફિસ પર સુપરહિટ રહી હતી. જે બાદ મેકર્સે આ ફિલ્મનો બીજો ભાગ બનાવવાનું નક્કી કર્યું,જે વર્ષ 2023માં રિલીઝ થવા જઈ રહી છે.

English summary

Allu Arjun will debut in Hollywood, will be seen in this film