બૅંગ બૅંગનું શૂટિંગ આવતા મહીનાથી, હૃતિક-કૅટ રેડી
મુંબઈ, 19 એપ્રિલ : પુન એક વાર બૉલીવુડનું હસીન યુગલ કૅટરીના-હૃતિક મોટા પડદે આવવા આતુર છે. બૅંગ બૅંગ ફિલ્મ સાથે બંને પુન એક વાર દર્શકો સામે આવશે. ફિલ્મનું શૂટિંગ આવતા મહીનાથી શરૂ થશે. ફિલ્મનું નિર્માણ ફૉક્સ સ્ટુડિયો કરી રહ્યો છે. ફિલ્મ માટે કૅટ-હૃતિક ખાસ તાલીમ લેવાનાં છે, કારણ કે ફિલ્મમાં બંનેના ઘણાં સ્ટંટ્સ જોવા મળવાના છે.
બૅંગ બૅંગ ફિલ્મનું નિર્માણ સલામ નમસ્તે, અંજાના-અંજાની, બચના ઐ હસીનો જેવી ફિલ્મોના દિગ્દર્શક સિદ્ધાર્થ આનંદ કરશે. ફિલ્મનું શૂટિંગ યૂરોપમાં થશે. સંગીત વિશાલ-શેખરનં હશે, પટકથા સુજૉય ઘોષ તેમજ સુરેશ નાયરે લખી છે.
નોંધનીય છે કે બૅંગ બૅંગ ફિલ્મ હૉલીવુડની હિટ ફિલ્મ નાઇટ એન્ડ ડેની હિન્દી આવૃત્તિ હશે. કહે છે કે ફિલ્મને આબેહુબ હૉલીવુડની જેમ જ ફિલ્માવવામાં આવશે. તેથી ફિલ્મમાં કૅટરીના કૈફ તથા હૃતિક રોશન વચ્ચે એક લાંબુ લિપલૉક સીન પણ હશે.
આ પહેલી વાર નથી કે કૅટ-હૃતિક લિપલૉક સીન આપશે. 2011માં ઝોયા અખ્તરની ઝિંદગી ના મિલેગી દોબારા ફિલ્મમાં બંનેએ કિસિંગ સીન આપ્યુ હતું.