હંમેશા લોકોના દિલોમાં જગ્યા બનાવવનો પ્રયત્ન કર્યો : ધર્મેન્દ્ર

મુંબઈ, 16 એપ્રિલ : જૂના જમાનાના જાણીતાં અને સદાબહાર અભિનેતા ધર્મેન્દ્રનું કહેવું છે - મેં પોતાના કૅરિયરમા દરમિયાન ક્યારેય નંબર ગેમ ઉપર વિશ્વાસ નથી કર્યો. મેં ક્યારેય એવો પ્રયત્ન નથી કર્યો કે હું નંબર વન બની જાઉં. જો હું એવી બાબતો ઉપર વિશ્વાસ ધરાવતો હોત, ક્યારેય કોઇક બીજાને મારા કરતાં આગળ ન નિકળવા દેત.

સાઇઠ અને એંસીના દાયકાના લોકપ્રિય બૉલીવુડ અભિનેતા અને પછીથી હી મૅન તરીકે જાણીતાં થયેલ ધર્મેન્દ્રે જણાવ્યું - મારા માટે લોકોના દિલોમાં જગ્યા બનાવવી પ્રાથમિકતા છે, નહીં કે લોકોના મગજમાં. હું પોતાના સમયના અભિનેતાઓ શશિ કપૂર, દેવ આનંદ તથા શમ્મી કપૂરને મિસ કરુ છું.

નોંધનીય છે કે ધર્મેન્દ્ર 2011માં આવેલ પોતાની ફિલ્મ યમલા પગલા દીવાનાની સિક્વલનું શૂટિંગ કરી રહ્યાં છે. યમલા પગલા દીવાના 2 એટલે કે વાયપીડી 2 ફિલ્મ અંગે મળતાં પ્રત્યાઘાત અંગે ખુશી વ્યક્ત કરતા ધર્મેન્દ્રે જણાવ્યું કે સલમાન ખાન, પ્રીતિ ઝિંટા અને અમિતાભ બચ્ચન જેવા અભિનેતાઓએ પ્રત્યાઘાતો આપ્યાં છે. મેં તેમને કૉલ કરી તેમના પ્રત્યે આભાર વ્યક્ત કર્યો છે.

ધર્મેન્દ્રે જણાવ્યું - હું ટ્વિટરનો ઉપયોગ નથી કરતો, કારણ કે તે મને સમજાતું નથી, પરંતુ હું તેને શીખવાની ઇચ્છા જરૂર ધરાવું છું.

English summary

Veteran actor Dharmendra said that he never believed in the industry's number game and would not have given a tough fight to his co-stars, had he done so.