રાજનીતિમાં એન્ટ્રી કરવા જઈ રહી છે કૃતિ સેનન? જાણો શું કહ્યું અભિનેત્રીએ?
લોકસભા ચૂંટણી સાથે સાથે બોલિવૂડની હસીનાઓની પણ ખુબ ચર્ચા છે. એક તરફ કંગના રનૌત ચૂંટણીના મેદાનમાં ઉતરી ચુકી છે ત્યારે હવે વધુ એક હસીના રાજનીતિમાં આવી શકે છે.
હાલમાં જો બોલિવૂડમાંથી કંગના રનૌત અને ગોવિંદાએ રાજનીતિમાં એન્ટ્રી કરી છે ત્યારે હવે સમાચાર છે કે બોલિવૂડ અભિનેત્રી કૃતિ સેનન પણ રાજનીતિમાં આવી શકે છે.
કૃતિ સેનન તેની ફિલ્મ ક્રુ' માટે સમાચારોમાં છે, ફિલ્મ 29 માર્ચે રિલીઝ થઈ છે. આ ફિલ્મમાં કૃતિ સેનનની સાથે તબ્બુ, કરીના કપૂર ખાન, દિલજીત દોસાંઝ અને કપિલ શર્મા પણ જોવા મળશે.
જણાવી દઈએ કે કૃતિ સેનન હાલમાં જ ટાઈમ્સ નાઉ સમિટમાં હાજર રહી હતી. અહીં તેને પૂછવામાં આવ્યું કે શું તે પણ કંગના રનૌતની જેમ રાજકારણમાં આવવાનું વિચારી રહી છે?
આ સવાલના જવાબમાં કૃતિ સેનને કહ્યું કે, મેં આ વિશે ક્યારેય વિચાર્યું નથી. હું ક્યારેય વિચારતી નથી કે હું આ અથવા તે કરીશ સિવાય કે તે અંદરથી આવે અથવા મને તેના વિશે મજબૂત લાગણી ન હોય. જો કોઈ દિવસ મારા હૃદયમાં એવું આવે કે હું કંઈક વધુ કરવા માંગુ છું, તો કદાચ હું આવું વિચારી શકું.
જણાવી દઈએ કે, અભિનેત્રી કંગના રનૌતને ભાજપની ટિકીટ પર હિમાચલ પ્રદેશની મંડી સીટથી લોકસભા ચૂંટણી લડશે. અભિનેતા ગોવિંદાએ પણ રાજકારણમાં પાછા ફરવાની જાહેરાત કરી છે. હાલમાં જ તેઓ મહારાષ્ટ્રના મુખ્યમંત્રી એકનાથ શિંદેને મળ્યા હતા. અટકળો ચાલી રહી છે કે ગોવિંદા આ વખતે લોકસભાની ચૂંટણી લડી શકે છે.
Click it and Unblock the Notifications
Sign in with Google
