જુઓ તસવીરો : જગદીશ માલીને કાંધ આપતું બૉલીવુડ

Published: Tuesday, May 14, 2013, 16:34 [IST]

મુંબઈ, 14 મે : બૉલીવુડ શોકમય છે, દુઃખી છે, કારણ કે તેણે પોતાના એક લીજેન્ડ ફોટોગ્રાફરને ગુમાવી દીધાં છે. હા જી, અમે વાત કરી રહ્યાં છીએ હિન્દી સિનેમાના બેજોડ ફોટોગ્રાફર જગદીશ માલીની કે જેમનું ગઈકાલે સવારે 11.30 વાગ્યે મુંબઈની નાણાવટી હૉસ્પિટલમાં મોત થઈ ગયું.

બૉલીવુડના જાણીતા અભિનેત્રી અંતરા માલીના પિતા એવા જગદીશ માલીના નિધનના કારણો અંગે હજી સુધી ખુલાસો થયો નથી. તેઓ માત્ર 60 વરસના હતાં. તેમના અંતિમ સંસ્કાર વખતે બૉલીવુડની અનેક જાણીતી હસ્તીઓ ઉપસ્થિત રહી હતી.

જગદીશ માલી ગત જાન્યુઆરીમાં ચર્ચામાં આવ્યા હતાં કે જ્યારે તેઓ મુંબઈના માર્ગ ઉપર અસ્ત-વ્યસ્ત હાલતમાં મળી આવ્યા હતાં. કહે છે કે મિંક બરારે તેમને જોયા હતાં અને પછી સલમાન ખાનને જાણ કરી હતી. સલમાન ખાન જગદીશ માલીને પોતાના ઘરે લઈ ગયા હતાં અને તેમને આસરો આપ્યો હતો.

આવો તસવીરોમાં જોઇએ જગદીશ માલીની અંતિમ યાત્રા.

જગદીશ માલીને કાંધ આપતું બૉલીવુડ

જગદીશ માલીના અંતિમ સંસ્કાર વખતે તેમના પુત્રી અંતરા માલી પણ હાજર હતાં.

જગદીશ માલીને કાંધ આપતું બૉલીવુડ

જગદીશ માલીના અંતિમ સંસ્કાર વખતે દીપ્તિ ભટનાગર પણ હાજર રહ્યા હતાં.

જગદીશ માલીને કાંધ આપતું બૉલીવુડ

જગદીશ માલીના નિધનથી દુઃખી ફિલ્મમેકર અશોક પંડિતે ટ્વિટ કર્યું કે સોમવારે સવારે એક દુઃખદ સમાચાર મળ્યાં કે જગદીશ માલી હવે આ દુનિયામાં નથી. જાણીને બહુ કષ્ટ થયું. ભગવાન તેમના આત્માને શાંતિ અર્પે.

જગદીશ માલીને કાંધ આપતું બૉલીવુડ

જાણીતા ફોટોગ્રાફર સુબીએ લખ્યું છે કે આજે કૅમેરાના જાદુગર જગદીશ માલી ચાલ્યા ગયાં. ખૂબ જ દુઃખદ ઘટના છે. તેઓ હંમેશા મારા આદર્શ હતાં, છે અને રહેશે. ભગવાન તેમના આત્માને શાંતિ અર્પે.