જ્હાનવી કપૂરની પહેલી ફિલ્મની આટલી ઓછી ફી, જાણો બાકીના સ્ટાર્સના ભાવ

ફિલ્મમાં જ્હાનવીથી વધુ ફી ઈશાન ખટ્ટરને મળી છે. જો કે ઈશાન જ્હાનવીથી પહેલા ફિલ્મોમાં ડેબ્યુ કરી ચૂક્યો છે.

Published: Monday, June 18, 2018, 14:38 [IST]

હમણાંથી બોલિવુડની અમુક મોટી ફિલ્મોને લઈને જબરદસ્ત ચર્ચા ચાલી રહી છે. એમાંથી એ ફિલ્મ છે જ્હાનવી કપૂર અને ઈશાન ખટ્ટરની આવનારી ફિલ્મ ધડક. ધડકના ટ્રેલર બાદ માનવામાં આવી રહ્યુ છે કે જ્હાનવી કપૂર બોલિવુડની સુપરસ્ટાર એક્ટ્રેસ બની શકે છે. વળી, ઈશાન પણ શાનદાર એક્ટરની યાદીમાં શામેલ થઈ શકે છે. હોય પણ કેમ નહિ. આ ફિલ્મ માટે બંને ન્યૂકમર્સે તનતોડ મહેનત કરી છે. તેમની આ મહેનત સ્ક્રીન પર જોવા મળે છે. વળી, આ તનતોડ મહેનત માટે તેમને તગડી ફી મળી છે. જેના વિશે જાણીને તમે પણ ચોંકી જશો.

આ ફિલ્મની રીલિઝ પહેલાથી જ જ્હાનવી કપૂર નેપોટીઝમ જેવા મુદ્દાઓને લઈને ચર્ચામાં રહી છે. જ્યાં એક તરફ તેને ખૂબ પ્રશંસા મળી છે ત્યાં બીજી તરફ તેને નેગેટિવ પ્રતિક્રિયાઓ પણ ઓછી નથી મળી. આ ફિલ્મમાં જ્હાનવીથી વધુ ફી ઈશાન ખટ્ટરને મળી છે. જો કે ઈશાન જ્હાનવીથી પહેલા ફિલ્મોમાં ડેબ્યુ કરી ચૂક્યો છે. તેની પહેલી ફિલ્મ માજિદ મજીદીની બિયોન્ડ ધ ક્લાઉડ્ઝ હતી.

ધર્મા પ્રોડક્શનના બેનર હેઠળ શશાંત ખેતાનના ડાયરેક્શનમાં બનેલી ફિલ્મ ધડક 20 જુલાઈના રોજ રીલિઝ થઈ રહી છે. નાના બજેટમાં તૈયાર કરવામાં આવેલી આ ફિલ્મમાં આશુતોષ રાણા જેવા દિગ્ગજ સ્ટાર પણ છે. આગળ જાણો જ્હાનવી કપૂરથી લઈને આશુતોષ રાણા જેવા સ્ટાર્સે ધડક ફિલ્મ માટે કેટલી ફી ચાર્જ કરી અને જાણો ફિલ્મ સાથે જોડાયેલી કેટલીક રસપ્રદ વાતો -

ઈશાન ખટ્ટર

ધડકના હીરો એટલે કે ઈશાન ખટ્ટરને આ ફિલ્મ માટે 60 થી 70 લાખ રૂપિયા ફી આપવામાં આવી છે. આ ફિલ્મમાં જ્હાનવીથી વધુ ફી ઈશાન ખટ્ટરને મળી છે. જો કે ઈશાન જ્હાનવીની પહેલાથી જ ફિલ્મોમાં ડેબ્યુ કરી ચૂક્યો છે. તેની પહેલી ફિલ્મ માજિદ મજીદીની બિયોન્ડ ધ ક્લાઉડ્ઝ હતી.