અભિષેક-અક્ષય-કરણ છે જ્હૉનના શ્રેષ્ઠ મિત્રો

મુંબઈ, 28 જાન્યુઆરી : રેસ 2 સાથે હાલ સૌથી વધુ ચર્ચામાં રહેનાર જ્હૉન અબ્રાહમનું માનવું છે કે તેમને પ્રસિદ્ધિ મોડેથી મળી. તેમણે જણાવ્યું કે જો બૉલીવુડમાં વધુ મિત્રો હોત, તો કદાચ બહુ પહેલાં જ તેમને પ્રસિદ્ધિ મળી જાત. જો તેમના નજીકના મિત્રો જોઇએ, તો તેઓ અભિષેક બચ્ચન, અક્ષય કુમાર અને કરણ જૌહરને પોતાના સૌથી પાકા મિત્રો ગણે છે.

રેસ 2 ફિલ્મના પ્રમોશન દરમિયાન જ્હૉન અબ્રાહમે મીડિયા સાથે વાતચીત કરતાં જણાવ્યું કે ફિલ્મી હસ્તીઓ સાથે તેમનો બહુ વધારે સંબંધ નથી. તેઓ કામ કરે છે અને પોતાના રસ્તે ચાલતાં થાય છે. કદાચ આ જ કારણ છે કે તેમના બહુ વધારે મિત્રો નથી. વિકી ડોનર ફિલ્મ સાથે એક્ટરથી પ્રોડ્યુસર બનનાર જ્હૉન અબ્રાહમ જણાવે છે કે તેમને મોટા-મોટા દિગ્ગજો દ્વારા અપાતી પાર્ટીઓમાં પણ જવું વધુ પસંદ નથી.

જ્હૉને જણાવ્યું કે તેમના જે ત્રણ ખાસ મિત્રો છે, તેમની સાથે પણ તેઓની બહુ વધુ વાત નથી થતી. ક્યારેક-ક્યારેક ફોન અથવા ક્યાંક મળી જાય તો વાતચીત થાય. મારી આ ટેવથી ફિલ્મ ઇન્ડસ્ટ્રી પણ ખૂબ સારી રીતે વાકેફ છે. કદાચ તેથી જ કામ વખતે મારી સાથે લોકો ગપ્પા બહુ ઓછા મારે છે.

English summary

Known as one of the hottest actors of Bollywood John Abraham says that he has only three good friends in the film industry Akshay Kumar, Abhishek Bachchan and Karan Johar.