Premiere : ‘કાઇ પો છે’ ઉપર ફિદા થઈ ગયું બૉલીવુડ

મુંબઈ, 19 ફેબ્રુઆરી : ગઈકાલે રાત્રે અભિષેક કપૂરની બહુચર્ચિત કાઇ પો છે ફિલ્મનું ગ્રાંડ પ્રીમિયર મુંબઈ ખાતે યોજાયું. તેમાં બૉલીવુડની જાણીતી હસ્તીઓએ હાજરી આપી. સૌને ફિલ્મ બહુ સારી લાગી છે. સૌએ ફિલ્મના દિલ ખોલીને વખાણ કર્યાં. હૃતિક રોશને ફિલ્મને હાર્ટ ટચિંગ જણાવી, તો વિદ્યા બાલને પણ કહ્યું કે કાઇ પો છે શાનદાર છે કે જે લોકોને જરૂર સારી લાગવી જોઇએ.

કાઇ પો છે ફિલ્મના પ્રીમિયર પ્રસંગે ફિલ્મની આખી ટીમ હાજર હતી. ફિલ્મના નવા ચહેરાઓ સુશાંત સિંહ રાજપૂત, રાજકુમાર યાદવ અને અમિતા સાધને ફિલ્મ પાસે ખૂબ આશાઓ છે. ફિલ્મના દિગ્દર્શક અભિષેક કપૂર અગાઉ આર્યન અને રૉક ઑન જેવી ફિલ્મો બનાવી ચુક્યાં છે. કાઇ પો છેને બર્લિન ફિલ્મ ફેસ્ટિવલમાં પણ ખૂબ વખાણ મળ્યાં છે.

નોંધનીય છે કે ચેતન ભગતની જાણીતી નવલકથા ધ થ્રી મિસ્ટેક્સ ઑફ માય લાઇફ પર આધારિત કાઇ પો છે ફિલ્મમાં ત્રણ મિત્રોની વાર્તા છે કે જેમનો ભેંટો ધર્મગુરુઓ સાથે થઈ જાય છે અને ત્યારે જ એક મિત્રને બીજા મિત્રની બહેન સાથે પ્રેમ થઈ જાય છે. અભિષેક અગાઉ જ કહી ચુક્યાં છે કે ફિલ્મમાં ધર્મ, રાજકારણ અને ક્રિકેટની નવી તસવીર લોકો સમક્ષ રજૂ થશે. ફિલ્મ 22મી ફેબ્રુઆરીએ રિલીઝ થઈ રહી છે.

English summary

Kai Po Che is a Great and Meaningful film said Bollywood. The premiere of filmmaker Abhishek Kapoor's upcoming movie Kai Po Che, that was held last night, was a grand and star-studded one.