મુસીબતમાં આદિત્ય પંચોલી, રંગોલીએ શોષણની ફરિયાદ નોંધાવી
અભિનેત્રી કંગના રનૌતની સાથે સાથે આજકાલ તેની બહેન રંગોલી પણ બોલોવુડની મોટી સેલિબ્રિટી સાથે પંગો લેવા લાગી છે.
અભિનેત્રી કંગના રનૌતની સાથે સાથે આજકાલ તેની બહેન રંગોલી પણ બોલોવુડની મોટી સેલિબ્રિટી સાથે પંગો લેવા લાગી છે. રંગોલીએ કંગના અને આદિત્ય પંચોલીના 10 વર્ષ જૂના વિવાદને ફરી ચાલુ કર્યો છે. તેણે વર્સોવા પોલીસ સ્ટેશનમાં પંચોલી સામે ફરિયાદ નોંધાવી છે.
આ પણ વાંચો: આલિયા જેવા લોકો બીજાના કામ છીનવે, મોટા પ્રોડ્યુસર પાસે ભીખ માંગે છેઃ રંગોલી
10 વર્ષ પહેલાં કર્યું હતું મારી બહેનનું શોષણ
રંગોલીએ તેની ફરિયાદમાં લખાવ્યું છે કે 10 વર્ષ પહેલાં, પંચોલીએ કંગનાને અપશબ્દો કહ્યા હતા અને તેનું શોષણ કર્યું હતું. કંગનાએ ઘણી વાર કહ્યું છે કે આદિત્ય પંચોલીએ તેનું શોષણ કર્યું હતું. તેણે કહ્યું હતું કે જ્યારે તે ઇંડસ્ટ્રીમાં નવી આવી હતી, ત્યારે પંચોલીએ તેમનું શારીરિક અને જાતીય શોષણ કર્યું હતું.
પંચોલીથી બચવા માટે છત પરથી કુદવું પડ્યું હતું
કંગનાએ ત્યારે એમ પણ કહ્યું હતું કે પંચોલીએ તેને ઘરમાં કેદ કરીને રાખી હતી. તેનાથી બચવા માટે તેઓને પ્રથમ માળેથી કુદવું પડ્યું હતું. કંગનાના આ આક્ષેપો પછી, બોલીવુડમાં સનસની મચી ગઈ હતી. તો પંચોલીએ આ બધા માટે કંગના સામે માનહાનીનો કેસ દાખલ કર્યો હતો.
કંગનાના વકીલે આપી રેપના આરોપની ધમકી
રંગોલી ઉપરાંત, પંચોલીએ પણ વર્સોવા પોલીસ સ્ટેશનમાં જ એક ફરિયાદ નોંધાવી છે. માનહાનીના કેસ પર પ્રતિક્રિયા આપતા તેમણે કહ્યું કે, કંગના, રંગોલી અને તેમના વકીલ રીજવાન સિદ્દીકી પર ફરિયાદ દાખલ કરવાનો નિર્ણય લીધો. સિદ્દીકીએ મને 6 જાન્યુઆરી, 2019 ના રોજ રેપના કેસમાં પણ ધમકી આપી હતી. આ મહિનાની શરૂઆતમાં મેં સિદ્દીકી, કંગના અને રંગોલી સામે પોલીસને મારી અરજી રજૂ કરી હતી. મેં આ વીડિયો પોલીસ સ્ટેશન અને કોર્ટમાં જમા કરાવ્યો છે.