બૂગી વૂગીમાં થિરકશે ક્વીન કંગના રાણાવત!

મુંબઈ, 17 ડિસેમ્બર : ટેલીવિઝન વડે ફિલ્મોનું પ્રમોશન કરવાનું ચલણ વધુ જોર પકડતુ જાય છે અને તે જ ક્રમમાં ફિલ્મ ક્વીનના નિર્માતાઓ પણ તેનાથી અળગા નથી. ફિલ્મના મુખ્ય કલાકાર કંગના રાણાવત ડાન્સ રિયલિટી શો બૂગી વૂગીમાં થિરકવા આવવાના છે.

તાજેતરમાં જ ક્રિશ 3 ફિલ્મમાં સુપર વુમનનો શાનદાર રોલ કરનાર અને પછી રજ્જો જેવી સરેરાશ ફિલ્મમાં તવાયફનો રોલ કરનાર કંગના રાણાવતની આગામી ફિલ્મ ક્વીન છે કે જેના પ્રમોશનલ ઇવેંટ્સ શરૂ થઈ ગયાં છે. તેના ભાગરૂપે જ કંગના રાણાવત હવે ડાન્સ રિયલિટી શો બૂગી વૂગીમાં આવવાના છે.

એક નિવેદનમાં જણાવાયું કે કંગના રાણાવત બૂગી વૂગી શોમાં માત્ર ડાન્સ જ નહીં કરે, પણ તેઓ અન્ય સ્પર્ધકો સાથે પણ નજરે પડશે. આ એપિસોડ સોની ટીવી ઉપર આગામી શનિવારે અને રવિવારે પ્રસારિત થશે. કંગના રાણાવતની છેલ્લી ફિલ્મો ક્રિશ 3 હિટ રહી હતી, તો રજ્જો સરેરાશ રહી હતી.

English summary

Kangana Ranaut will scene in television show Boogie Woogie to promot her upcoming movie Queen.