સુપરસ્ટાર એક્ટ્રેસ! માત્ર 24 કલાકમાં તોડ્યા તમામ રેકોર્ડ્સ!
કેટરિના કૈફે ઇન્સ્ટાગ્રામ પર ઓફિશિયલ એકાઉન્ટ બનાવી પદાર્પણ કર્યું છે. માત્ર 24 કલાકમાં તેના એક મિલિયન ફોલોઅર્સ થઇ ગયા છે.
થોડા દિવસ પહેલાં જ બોલિવૂડની ચીકની ચમેલી કેટરિના કૈફે ઇન્સ્ટાગ્રામ પર ડેબ્યૂ કર્યું છે. સલમાન ખાન અને બોલિવૂડના તમામ મિત્રોએ ઉત્સાહથી કેટરિનાનું સ્વાગત કર્યું હતું અને ફેન્સના ઉત્સાહની તો કોઇ સીમા જ નથી. ઉલ્લેખનીય છે કે, થોડા મહિના પહેલાં જ કેટરિનાએ ફેસબૂક પર પણ ડેબ્યૂ કર્યું હતું. છેલ્લા થોડા સમયથી કેટરિના કૈફ બોલિવૂડમાં સતત ચર્ચામાં છે.
24 કલાકમાં 1 મિલિયન ફોલોઅર્સ
તમને જાણીને નવાઇ લગાશે કે, માત્ર 24 જ કલાકની અંદર જ ઇન્સ્ટાગ્રામ પર કેટરિનાના 1 મિલિયન ફોલોઅર્સ થઇ ગયા છે. સ્પષ્ટ છે કે, ફેન્સ ઘણા સમયથી કેટરિનાના એફિશિયલ એકાઉન્ટની રાહ જોઇને બેઠા હતા.
સોશિયલ મીડિયાથી રહેતી દૂર
કેટરિના પહેલેથી જ સોશિયલ મીડિયાથી દૂર રહી છે. રણબીર સાથેના બ્રેકઅપના થોડા સમય બાદ તેણે જ્યારે ફેસબૂક પર ડેબ્યૂ કર્યું ત્યારે લોકોએ તેને સૌથી વધારે બ્રેકઅપ અંગેના જ સવાલો કર્યા હતા. તેના આ અંગે જવાબ આપતા ફેસબૂક લાઇવ વીડિયો ખૂબ વાયરલ પણ થયા હતા. હવે તેણે ઇન્સ્ટાગ્રામ પર ડેબ્યૂ કર્યું છે.
આ તસવીર સાથે કર્યું ડેબ્યૂ
કેટરિનાએ આ સુંદર તસવીર સાથે ઇન્સ્ટાગ્રામ પર ડેબ્યૂ કર્યું છે. છેલ્લા ઘણા સમયથી કેટરિના તેની આગામી ફિલ્મ જગ્ગા જાસૂસને કારણે ચર્ચામાં છે. તેની આ ફિલ્મની રિલીઝ ડેટ સતત પોસ્ટ પોન થઇ રહી હોવાને કારણે હવે ફેન્સની પણ ધીરજ ખૂટતી જાય છે.
ટોવેલ સીરિઝ
આ સિઝલિંગ ફોટો પણ કેટરિનાએ ઇન્સ્ટાગ્રામ એકાઉન્ટ પર પોસ્ટ કર્યો છે. મારિયો ટેસ્ટિનોની હિટ ટોવેલ સિરિઝનો આ ફોટો છે. મારિયો ટોવેલ સીરિઝમાં ફીચર થનાર પહેલી બોલિવૂડ સ્ટાર છે કેટરિના કૈફ. આ તસવીર મારિયો ટેસ્ટિનો દ્વારા જ લેવામાં આવી છે.
|
ટાઇગ્રેસ ઝિંદા હે
કેટરિનાના ઇન્સ્ટાગ્રામ ડેબ્યૂ બાદ બોલિવૂડના દબંગ સલમાને કંઇક આ રીતે કેટરિનાનું સ્વાગત કર્યું હતું. તેણે લખ્યું હતું, ઇન્સ્ટાગ્રામ પર કેટરિનાનું સ્વાગત કરશો. સલમાન કહે અને ફેન્સ કેટનું સ્વાગત ના કરે, એવું તો ક્યાંથી બને! માત્ર 24 જ કલાકમાં કેટરિનાના 1 મિલિયન ફોલોઅર્સ થયા હોવાનો થોડો શ્રેય સલમાનની આ પોસ્ટને પણ જાય છે.
સલમાન સાથેની ફિલ્મ
જગ્ગા જાસૂસ સિવાય કેટરિનાની સલમાન સાથેની ફિલ્મ ટાઇગર ઝિંદા હે પણ લાઇનમાં છે. એક થા ટાઇગર ફિલ્મની આ સિક્વલમાં ફરી એકવાર કેટ અને સલ્લુની સુપરહિટ જોડી સાથે જોવા મળસે. ફેન્સ આ ફિલ્મની આતુરતાથી રાહ જોઇ રહ્યાં છે.
રણબીર સાથે સેલ્ફી
રણબીર અને કેટરિના વચ્ચેના અણબનાવને કારણે જગ્ગા જાસૂસના શૂટિંગ અને રિલીઝમાં અનેક સમસ્યાઓ આવી ચૂકી છે. બંન્ને વચ્ચેના ઇક્વેશન કેવા છે એ અંગે બોલિવૂડમાં સતત ચર્ચાઓ થતી રહે છે. એવામાં કેટરિનાએ રણબીર સાથેની આ ક્યૂટ સેલ્ફી શેર કરી બધાને અચરજમાં નાંખી દીધા હતા.
અહીં વાંચો
શુક્રવારે રીલિઝ થયા પછી બાહુબલી 2 એક પછી એક ખાલી રેકોર્ડ જ તોડ્યા છે. એટલું જ નહીં સલમાન અને આમીરને પણ પછાડ્યા છે.
Click it and Unblock the Notifications
Sign in with Google
