Pics : લુટેરાના સ્પેશિયલ સ્ક્રીનિંગમાં માતાએ લુંટાવ્યો પ્રેમ!
મુંબઈ, 2 જુલાઈ : આગામી 5મી જુલાઈએ રૂપેરી પડદે આવતી એકતા કપૂર નિર્મિત લુટેરા ફિલ્મ અંગે એકતા કપૂરે અગાઉથી જ એલાન કર્યું છે કે તેમની આ ફિલ્મ બૉક્સ ઑફિસે જરૂર હિટ થશે. એકતા ફિલ્મના પ્રેઝેંટેશનથી ખાસા પ્રભાવિત છે. તેથી એકતા પોતાની આ ફિલ્મને પોતાના ફૅન્સને બતાવવા માંગતા હતાં. તેથી તેમણે મુંબઈના સ્ટુડિયોમાં પોતાના ફૅન્સ માટે આ ફિલ્મનું સ્ક્રીનિંગ યોજ્યું કે તેમાં લુટેરા ફિલ્મની ટીમ ઉપરાંત બૉલીવુડના દિગ્ગજો પહોંચ્યા ફિલ્મ જોવા અને મન મૂકીને વખાણ કર્યાં.
લોકોનો રિસ્પૉન્સ જોઈ લાગે છે કે એકતા કપૂરની ભવિષ્યવાણી સાચી પડનાર છે, કારણ કે ફિલ્મ જોયા બાદ દરેકના ચેહરે ચમક અને હોઠોએ સોનાક્ષી સિન્હા તેમજ રણવીર સિંહ જ હતાં. જોકે સાચે જ એકતા કપૂર નિર્મિત લુટેરા હિટ થઈ, તો બૉક્સ ઑફિસે તે એકતાની હૅટ્રિક ગણાશે. અગાઉ તેમની બે ફિલ્મો એક થી ડાયન તેમજ શૂટઆઉટ એટ વડાલા પણ હિટ થઈ ચુકી છે.
દરમિયાન લુટેરાના સ્પેશિયલ સ્ક્રીનિંગ દરમિયાન માતાએ પોતાના પુત્રી ઉપર ખૂબ વહાલ વરસાવ્યો. સ્ક્રીનિંગ દરમિયાન સોનાક્ષી સિન્હાના માતા પૂનમ સિન્હા પણ હાજર હતાં અને તેઓ પુત્રીનું કામ જોઈ ખૂબ ખુશ થઈ ગયાં.
આવો તસવીરો સાથે જાણીએ વધુ વિગતો :
સોનાક્ષી-પૂનમ
પોતાના પુત્રી સોનાક્ષીના અદ્ભુત અભિનયથી ખુશ થઈ પૂનમ સિન્હાનો પ્રેમ કંઈક આવી રીતો ઉભરાઈ આવ્યો.
એકતાની વધુ એક ફિલ્મ
નિર્માતા એકતાએ દાવો કર્યો કે ફિલ્મ જરૂર હિટ થશે.
રણવીર-સોનાક્ષી
લુટેરામાં રણવીર-સોનાક્ષી સાથે કામ કરી રહ્યાં છે. બંનેના ગ્રાન્ડ લુકે સૌનું ધ્યાન ખેંચ્યું છે.
કરણે સેક્સી જોડી જણાવી
આ પ્રસંગે કરણ જૌહરે સોનાક્ષી-રણવીરની જોડીને સેક્સી ગણાવી.
ચેતન ભગત
જાણીતા લેખક ચેતન ભગતે ફિલ્મ જોયા બાદ તેને બહુ સારી ગણાવી.
Click it and Unblock the Notifications
Sign in with Google
