બેડ પર મલ્લિકા શેરાવતની આ આદતથી પરેશાન છે તેનો બૉયફ્રેન્ડ, ખુદ અભિનેત્રીએ કર્યો ખુલાસો

મલ્લિકા શેરાવતે એક ઈન્ટરવ્યુમાં કહ્યુ કે તેના બૉયફ્રેન્ડને હંમેશા અભિનેત્રી સાથે સૂવામાં પ્રોબ્લેમ રહે છે.

મુંબઈઃ બૉલિવુડ અભિનેત્રી મલ્લિકા શેરાવત પોતાની બોલ્ડ અદાઓ માટે છવાયેલી રહે છે. ફિલ્મ મર્ડરથી લોકોને પોતાના દીવાના બનાવનાર મલ્લિકા શેરાવત 45 વર્ષની ઉંમરમાં પણ એટલી જ હૉટ અને બોલ્ડ છે. હાલમાં અભિનેત્રી પોતાના બૉયફ્રેન્ડ માટે ચર્ચામાં છે. અભિનેત્રી મલ્લિકા શેરાવતે જણાવ્યુ કે તે ઘણા સમયથી એક રિલેશનશિપમાં છે અને પોતાના બૉયફ્રેન્ડ સાથે જ આગળની જિંદગી વીતાવવા માંગે છે.

મલ્લિકા શેરાવતે કર્યો બૉયફ્રેન્ડનો ખુલાસો

મલ્લિકા શેરાવતે પોતાના બૉયફ્રેન્ડની ઓળખ નથી જણાવી પરંતુ તેણે કહ્યુ કે ફ્રાંસમાં વેકેશન દરમિયાન તેને મળી હતી. મલ્લિકા શેરાવતે એક ઈન્ટરવ્યુમાં કહ્યુ કે તેના બૉયફ્રેન્ડને હંમેશા અભિનેત્રી સાથે સૂવામાં પ્રોબ્લેમ રહે છે. મલ્લિકા શેરાવતને તેનો બૉયફ્રેન્ડ 'નન' કહે છે કારણકે તે જલ્દી સૂઈ જાય છે. મલ્લિકા શેરાવતે હાલમાં જ મંદિરા બેદીના ટૉક શો ધ લવ લાઈફ લાઈવમાં આ ખુલાસો કર્યો હતો.

'લોકો મારા વિશે ખોટુ વિચારે છે'

મલ્લિકા શેરાવતે કહ્યુ, 'મારી લાઈફ એવી નથી જેની લોકો વિચારે છે. બધાને લાગે છે કે ઑનસ્ક્રીન હું બોલ્ડ અને ગ્લેમેરસ છુ તો ઘણી વાર પાર્ટી અને ડ્રિંક કરુ છુ પરંતુ આવુ નથી. મને સિમ્પલ લાઈફ જીવવાનુ ગમે છે. મને પાર્ટી કલ્ચર બિલકુલ પસંદ નથી. મને જલ્દી સૂવાનુ ગમે છે પરંતુ મારી આ આદતથી મારા બૉયફ્રેન્ડને હંમેશા ફરિયાદ રહે છે, તે કહે છે કે હે ભગવાન, તુ એક નન છે કે શું? તુ હમેશા જલ્દી સૂઈ જાય છે.'

હવે ખુદને અને સંબંધોને આપી રહી છે સમય

શું તે એક સંબંધ નિભાવવા માટે હજુ પણ કામમાં વ્યસ્ત છે એમ પૂછવા પર મલ્લિકાએ કહ્યુ, 'ના, ના, મને પોતાના જીવનથી ખૂબ પ્રેમ છે. હા, પોતાના કરિયરની શરુઆતમાં હું કામ કરી રહી હતી અને હું વાસ્તવમાં ખૂબ વ્યસ્ત હતી પરંતુ સમય બદલાય છે, હું મારા જીવનમાં એક ખૂબ આરામદાયક જગ્યાએ છુ.' મલ્લિકાને પૂછવામાં આવ્યુ કે શું સંબંધને લઈને તે ગંભીર છે કે તેને આગળ લઈ જશે કે નહિ તેના જવાબમાં મલ્લિકાએ હા કહી.

બૉયફ્રેન્ડને કેવી રીતે મળી મલ્લિકા?

પોતાના પ્રેમીને કેવી રીતે મળી એ વિશે વાત કરતા મલ્લિકાએ કહ્યુ કે તે બંને પોત-પોતાના દોસ્તો સાથે સેંટ-ટ્રોપેઝમાં રજાઓ માણી રહ્યા હતા અને એક જ હોટલમાં રોકાયા હતા. મલ્લિકા શેરાવતના વર્કફ્રન્ટની વાત કરીએ તે તે જલ્દી રજત કપૂર દ્વારા નિર્દેશિત આરકે/આરકેવાયમાં દેખાશે. આ ફિલ્મ અમેરિકામાં રિલીઝ થઈ ચૂકી છે જેને હવે ભારતમાં પ્રદર્શિત કરવામાં આવશે. મલ્લિકા શેરાવતે પોતાનો 45મો જન્મદિવસ હમણા થોડા દિવસ પહેલા જ મનાવ્યો. તેનો જન્મ 24 ઓક્ટોબર, 1976ના રોજ હરિયાણાના હિસારમાં થયો હતો.

English summary

Mallika Sherawat boyfriend does not like actress to fall asleep early