Mamta Kulkarni : મમતા કુલકર્ણીને આ સુપરસ્ટારે આપી હતી વન નાઈટ સ્ટેન્ડની ઑફર, અભિનેત્રીએ મૂકી હતી અનોખી શરત!

Mamta Kulkarni : બોલિવૂડની જાણીતી અભિનેત્રી મમતા કુલકર્ણી હાલ ઘણી ચર્ચામાં છે. ભારત પરત ફર્યા બાદ સતત વિવાદોમાં તેમના નામનો ઉલ્લેખ થઈ રહ્યો છે.

મમતાની કારકિર્દી દરમિયાન મમતા કુલકર્ણીનું નામ ઘણા જાણીતા અભિનેતાઓ સાથે જોડાયું છે. હવે મમતાનું જૂનું ઇન્ટરવ્યુ ફરી ચર્ચામાં છે.

આ ઇન્ટરવ્યુમાં મમતા કુલકર્ણીએ પ્રખ્યાત અભિનેતા બૉબી દેઓલ પર ગંભીર આક્ષેપ કર્યા હતા. વર્ષો પહેલા એક ઇન્ટરવ્યુમાં મમતાએ ખુલાસો કર્યો હતો કે એક વખત બૉબી દેઓલે તેને વન નાઈટ સ્ટેન્ડ માટે ઑફર કરી હતી. જો કે મમતાએ સામે એક એવી શરત મૂકી કે જેનાથી બૉબી શોકમાં આવી ગયો.

મમતાના જણાવ્યા અનુસાર, તે એક ફિલ્મના શૂટિંગ દરમિયાન એક હોટેલમાં રોકાયા હતા. આ સમયે બૉબી દેઓલ પણ તેમની ફિલ્મ બરસાતના શૂટિંગ માટે એ જ હોટેલમાં રોકાયો હતો. આ ફિલ્મમાં મિથુન ચક્રવર્તી મુખ્ય ભૂમિકામાં હતો અને તેણે બૉબી અને મમતાની મુલાકાત કરાવી હતી.

મમતાએ કહ્યું કે આ મુલાકાત બાદ બન્ને વચ્ચે મિત્રતા વધી અને બૉબી દેઓલને મમતાની સાથે પ્રેમ થઈ ગયો. જો કે, મમતા તેને માત્ર એક સારો મિત્ર જ માનતી હતી. બૉબી દેઓલે મમતાને એકવાર વન નાઈટ સ્ટેન્ડ માટે ઑફર કરી હતી. એ સમયે બૉબી દેઓલ અને પૂજા ભટ્ટ એક બીજાને ડેટ કરી રહ્યા હતા.

બૉબી દેઓલની આ વાત સાંભળીને મમતા કુલકર્ણી દંગ રહી ગઈ. તેણે બૉબી સામે એક શરત મૂકી કે જો તમે મારી સાથે રાત વિતાવવી છે તો પહેલાં તારી ગર્લફ્રેન્ડ પાસેથી પરવાનગી લઈને આવ. મમતાની આ શરત સાંભળીને બૉબી ચોંકી ગયો. તેમણે આ વાતને ટાળવા પ્રયત્ન કર્યો પણ આ કિસ્સો મમતા દ્વારા જાહેર થતાં ચર્ચાનું કેન્દ્ર બની ગયો.

ઉલ્લેખનીય છે કે, 1996માં બૉબી દેઓલની શાદી તાન્યા દેઓલ સાથે થઈ હતી, જે લાઇમલાઇટથી દૂર રહે છે.

English summary

Mamta Kulkarni Was Offered a One-Night Stand by This Superstar, Actress Put a Unique Condition!