ટ્વિટરના શહેંશાહ બનતાં અમિતાભ બચ્ચન, 70 લાખ ફૉલોઅર્સ

મુંબઈ, 6 નવેમ્બર : કહે છે ને કે બૉલીવુડની બૉક્સ ઑફિસ ઉપર ભલે જેમની ફિલ્મો ચાલતી હોય, પણ ફિલ્મનો શહેંશાહ માત્ર એક જ છે અને તે છે ધ ગ્રેટ અમિતાભ બચ્ચન કે જેમને હરાવવું મુશ્કેલ જ નહીં, અશક્ય પણ છે. આપ વિચારતા હશો કે અમે આવી વાતો કેમ કરીએ છીએ. તો સાંભળે આની પાછળ એક મોટું કારણ છે અને તે છે ટ્વિટર પર અમિતાભના ફૉલોઅર્સ. આપને જાણીને આશ્ચર્ય થશે કે અમિતાભ બચ્ચનના ટ્વિટર પર 70 લાખથી વધુ પ્રશંસકો છે.

અમિતાભ બચ્ચને આવી સિદ્ધિ માટે પોતાના ચાહનારાઓનો આભાર વ્યક્ત કર્યો છે. કદાચ આમિતાભની આ જ વિનમ્રતા લોકોને તેમના દીવાના બનાવે છે. 71 વર્ષીય બિગ બીએ બુધવારે ટ્વીટ કર્યું - આ સૌનો આભાર. ટ્વિટર પર મને ચાહનારોની સંખ્યા 70 લાખથી વધુ છે. અમિતાભ બચ્ચન ટ્વિટર ઉપર અત્યાર સુધી 26,856 વાર ટ્વીટ કરી ચુક્યાં છે અને 840 લોકોને ફૉલો કરે છે. તેઓ આ મંચનો ઉપયોગ પોતાની દિનચર્યાથી વિશે ફૅન્સને બરાબર વાકેફ કરવા, ખાસ પ્રસંગે શુભેચ્છા આપવા, પોતાના ગહન વિચારો અને સાથે જ કેટલાંક મુદ્દા પર પોતાનો અભિપ્રાય આપવા કરે છે.

અમિતાભ બચ્ચન એક સક્રિય બ્લૉગર પણ છે. તેમનો બ્લૉગ તેમના વિચારોનો સંગ્રહ છે. છેલ્લા ચાલીસ વર્ષોથી હિન્દી સિનેમાની સતત સેવા કરતાં અમિતાભે તમામ ફૉર્મેટમાં પોતાની જાતને અવ્વલ સાબિત કરી છે. એટલે જ તો તેમના ચાહનારાઓમાં જો કોઈ 70 વર્ષની વ્યક્તિ હોય, તો 10 વર્ષનું બાળક પણ છે.

English summary

Megastar Amitabh Bachchan, one of the most active Bollywood stars on social networking platforms, has amassed a following of over seven million on microblogging site Twitter. He has thanked his fans.