Money Laundering Case: જેકલીન ફર્નાન્ડિઝને મળી રાહત, આ તારીખે થશે આગલી સુનવણી
મહા ઠગ સુકેશ ચંદ્રશેખર સાથે નામ જોડાયા બાદ જેકલીન ફર્નાન્ડીઝની મુશ્કેલીઓ અટકવાનું નામ નથી લઈ રહી. જેકલીન સતત પોતાનું કામ છોડીને કોર્ટના ચક્કર લગાવવા પડે છે. આ મામલાની સુનાવણી દિલ્હીની પટિયાલા હાઉસ કોર્ટમાં થવાની હતી. જેન
મહા ઠગ સુકેશ ચંદ્રશેખર સાથે નામ જોડાયા બાદ જેકલીન ફર્નાન્ડીઝની મુશ્કેલીઓ અટકવાનું નામ નથી લઈ રહી. જેકલીન સતત પોતાનું કામ છોડીને કોર્ટના ચક્કર લગાવવા પડે છે. આ મામલાની સુનાવણી દિલ્હીની પટિયાલા હાઉસ કોર્ટમાં થવાની હતી. જેના માટે અભિનેત્રી પટિયાલા હાઉસ કોર્ટ પહોંચી હતી. ઉલ્લેખનિય છેકે અભિનેત્રી પર લાગેલા આરોપો પર કોઈ ચર્ચા થઈ ન હતી. આવી સ્થિતિમાં આ કેસની સુનાવણી હવે 12 ડિસેમ્બર સુધી ટાળી દેવામાં આવી છે.
12 ડિસેમ્બર સુધી ટળી સુનવણી
તમને જણાવી દઈએ કે ઠગ સુકેશ ચંદ્રશેખરના 200 કરોડના મની લોન્ડરિંગ કેસમાં જેકલીન સતત મુશ્કેલીમાં ફસાયેલી જોવા મળી રહી છે. જ્યારથી EDએ ચાર્જશીટમાં અભિનેત્રીને આરોપી જાહેર કરી છે ત્યારથી અભિનેત્રીની ધરપકડ કરવાની માંગ કરવામાં આવી રહી છે. અભિનેત્રીને આ મામલે સતત પૂછપરછ કરવામાં આવી રહી છે. જો કે તમામ સવાલો છતાં EDને આ મામલે કોઈ મોટા પુરાવા મળ્યા નથી. હવે કોર્ટ જેકલીનની બરાબર 18 દિવસ પછી એટલે કે 12મી ડિસેમ્બરે પૂછપરછ કરશે.
ઘણા સમયથી થઇ રહી છે પુછપરછ
આ પહેલા દિલ્હીની પટિયાલા હાઉસ કોર્ટે અભિનેત્રી જેકલીન ફર્નાન્ડીઝની વચગાળાની જામીન 15 નવેમ્બર સુધી લંબાવી હતી. તે જ સમયે, EDએ જેકલીન ફર્નાન્ડીઝ અને નોરા ફતેહીની ઘણી વખત પૂછપરછ કરી છે. બંને અભિનેત્રીઓએ તેમના નિવેદનો નોંધ્યા હતા. સમાચાર હતા કે જેકલીન ફર્નાન્ડીઝ સુકેશને ડેટ કરી રહી છે. તમને જણાવી દઈએ કે પોલીસે સુકેશ ચંદ્રશેખરની ધરપકડ કરી લીધી છે અને તે હાલ દિલ્હીની તિહાર જેલમાં બંધ છે.