'ઘણા પુરુષ ગંદા ઈરાદાથી મારી નજીક આવવા માંગતા હતા પરંતુ...,' નીના ગુપ્તાએ કર્યો મોટો ખુલાસો
નીના ગુપ્તા પોતાના ફિલ્મી કરિયર સાથે અંગત જિંદગી માટે પણ ઘણી ચર્ચામાં રહે છે. હવે તેણે પુરુષ સાથીઓ વિશે નવા ખુલાસા કર્યા છે.
નવી દિલ્લીઃ અભિનેત્રી નીના ગુપ્તા પોતાના ફિલ્મી કરિયર સાથે અંગત જિંદગી માટે પણ ઘણી ચર્ચામાં રહે છે. હવે તેણે પુરુષ સાથીઓ વિશે નવા ખુલાસા કર્યા છે. નીના ગુપ્તાના જણાવ્યા મુજબ અમુક લોકોએ તેની નજીક આવવાની કોશિશ કરી પરંતુ તેમના ઈરાદા તે પહેલાથી સમજી ગઈ હતી. નીના ગુપ્તાએ 80ના દશકમાં નૉન કૉમર્શિયલ ફિલ્મોથી શરૂઆત કરી હતી પરંતુ હજુ સુધી તેની સાથે કોઈ ગંદુ કામ થયુ નહોતુ.
'મરજી વિના કોઈ કંઈ નથી કરતુ'
ઈન્ટરવ્યુ દરમિયાન નીનાને એ સવાલ પૂછવામાં આવ્યો કે શું ઈન્ડસ્ટ્રીમાં કોઈ વ્યક્તિ સાથે તેને ખરાબ અનુભવ થયો, જેના પર તેણે કહ્યુ કે ઈન્ડસ્ટ્રીમાં મારી સાથે એવુ કંઈ થયુ નથી. જો કે તેણે એ માન્યુ કે ઘણા પુરુષો તેની નજીક આવવાની કોશિશમાં હતા પરંતુ તેને ગંદા ઈરાદાઓનો અહેસાસ થઈ ગયો હતો. તેના જણાવ્યા મુજબ કોઈ તમને ત્યાં સુધી રાઈડ પર લઈને ન જઈ શકે જ્યાં સુધી તમે ખુદ ન જવા માંગો.
14 જૂને આવશે પુસ્તક
નીના ગુપ્તાએ હાલમાં જ પોતાની આત્મકથા 'સાચુ કહુ તો'ની ઘોષણા કરી જે 14 જૂને પ્રકાશિત થશે. નીનાએ પોતાના ઈન્સ્ટાગ્રામ પેજ પર પોતાના પુસ્તકની રિલીઝ ડેટ શેર કરીને કહ્યુ કે મે વિચાર્યુ હતુ કે આ બહુ મુશ્કેલ સમય અને ઉદાસ સમયમાં જ્યારે આપણે ઘરમાં ફસાઈ જઈએ છીએ, આપણે દુઃખી અને ચિંતિત હોઈએ ત્યારે બની શકે કે મારુ પુસ્તક તમને અમુક મુશ્કેલ દિવસો સામે લડવામાં મદદ કરે. આ પુસ્તકમાં તેના મુંબઈ આવવા અને અભિનેત્રી બનવા સુધીની સફર વર્ણવવામાં આવી છે.
પિતાને ગણાવ્યા બૉયફ્રેન્ડ
હાલમાં જ એક બીજા ઈન્ટરવ્યુમાં નીનાએ પોતાની એકલતા પર વાત કરી હતી. એ દરમિયાન તેણે કહ્યુ હતુ કે મે ઘણી વાર એકલતા અનુભવી છે પરંતુ ભગવાને મને એ શક્તિ આપી છે જે મને હંમેશા આગળ વધારવામાં સક્ષમ છે. હું ભૂતકાળ પર ધ્યાન નથી આપતી. મારે ઘણા વર્ષો સુધી કોઈ બૉયફ્રેન્ડ કે પતિ નહોતો. વાસ્તવમાં મારા પિતા મારા બૉયફ્રેન્ડ હતા. તમને જણાવી દઈએ કે નીની વેસ્ટઈન્ડીઝના ક્રિકેટર વિવિયન રિચર્ડઝ સાથે રિલેશનમાં હતી જેનાથી તેમની દીકરી મસાબા ગુપ્તા છે. પછી તેણે વર્ષ 2008માં બિઝનેસમેન વિવેક મહેરા સાથે લગ્ન કર્યા.