ફિજી મહોત્સવમાં ભાગ લેવા જશે નીતૂ ચંદ્રા

Updated: Wednesday, October 8, 2014, 12:54 [IST]

મુંબઈ, 4 જુલાઈ : ભોજપુરી ભાષામાં અભિનેત્રી નીતૂ ચંદ્રા દ્વારા બનાવવામાં આવેલી ફિલ્મ દેસવાની પસંદગી ફિજી મહોત્સવ માટે કરવામાં આવી છે અને આવતા મહીને નીતૂ આ દેશનો પ્રવાસ કરશે.

કૅંસર પેસેંટ એડ એસોસિએશન એટલે કે સીપીએએ દ્વારા તાજેતરમાં યોજાયેલ એક કાર્યક્રમમાં નીતૂએ જણાવ્યું - દેસવા ભોજપુરી સિનેમાના 50 વર્ષના ઇતિહાસમાં ભારતમાંથી પસંદ કરાયેલી પ્રથમ ફિલ્મ છે. મને તેની ઉપર ગૌરવ છે. હાલ દેસવા ફિજી મહોત્સવ માટે પસંદ કરવામાં આવી છે. હું ત્યાં આવતા મહીને જઈ રહી છું.

નીતૂ ચંદ્રા હાલ ગ્રીક-ઇંગ્લિશમાં નિર્મિત એક તથા હિન્દીની બે ફિલ્મો રિલીઝ થવાનો ઇંતેજાર કરી રહ્યાં છે. તેમણે જણાવ્યું - મારી ગ્રીક-અંગ્રેજી ફિલ્મ લેટ નોટ ધ અમેરિકન નાઉ ઑક્ટોબરમાં વિશ્વ ભરમાં રિલીઝ થશે. મારી બે ફિલ્મો રિલીઝ માટે તૈયાર છે. હું કામની પસંદગીમાં ઉતાવળ નથી કરી રહી, કારણ કે અહીં વધુ તકો નથી. નીતૂની આગામી ફિલ્મોમાં કુસર પ્રસાદ કા ભૂત તથા શૂટરનો સમાવેશ થાય છે.