Pics : રાણી ઘટાડે છે વજન, પણ પ્રિયંકાએ વધારવાની જરૂર નથી!

Updated: Wednesday, July 10, 2013, 16:34 [IST]

મુંબઈ, 10 જુલાઈ : બૉલીવુડમાં જાણીતા શારીરિક પ્રશિક્ષક સમીર જૌરા એક બાજુ રાણી મુખર્જીનું વજન ઘટાડવા માટે મશક્કત કરી રહ્યાં છે, તો બીજી બાજુ તેઓ કહે છે કે પ્રિયંકા ચોપરાએ વજન વધારવાની જરૂર નથી. પ્રિયંકા હાલ ભારતીય મુક્કાબાજ મૅરી કોમના જીવન પર બનતી ફિલ્મમાં મુખ્ય ભૂમિકા ભજવવા માટે સખત પરિશ્રમ કરી રહ્યાં છે, પરંતુ જૌરાનું કહેવું છે કે પ્રિયંકાએ વજન વધારવાની જરૂર નથી. તેઓ નથી ઇચ્છતાં કે પ્રિયંકા પોતાનું વજન વધારી નૈસર્ગિક સૌંદર્ય ગુમાવે.

પ્રિયંકા ચોપરા સંજય લીલા ભાનુશાળીની મૅરી કોમ આધારિત ફિલ્મમાં મૅરી કોમની ભૂમિકા ભજવી રહ્યાં છે. દિગ્દર્શક ઉમંગ કુમાર છે. પ્રિયંકાના પ્રશિક્ષક સમીર જૌરાએ એક વાતચીતમાં જણાવ્યું - અમે નથી ઇચ્છીએ છીએ કે પ્રિયંકાનું શારીરિક સૌષ્ઠવ મૅરી કોમ જેમ જ હોય, પણ હું નથી ઇચ્છતો કે વધારાના વજન તથા મસલ્સથી તેમના નૈસર્ગિક સૌંદર્ય ઉપર અસર પડે. પ્રિયંકા ખૂબ જ મહેનતુ અને કામ પ્રત્યે સમર્પિત કલાકાર છે.

સમીર જૌરાએ ભાગ મિલ્ખા ભાગ માટે ફરહાન અખ્તરને તાલીમ આપી છે, તો તેઓ રાણી મુખર્જીને તેમની આગામી ફિલ્મ મર્દાની માટે તૈયાર કરી રહ્યાં છે. રાણી મુખર્જી સમીરના માર્ગદર્શન હેઠળ મર્દાની માટે વજન ઘટાડી રહ્યાં છે.

આવો પ્રિયંકાની તસવીરો સાથે જોઇએ અને જાણીએ વધુ વિગતો :

કામ પ્રત્યે સમર્પિત પ્રિયંકા

સમીર જૌરાએ જણાવ્યું - પ્રિયંકા ખૂબ જ મહેનતુ અને કામ પ્રત્યે સમર્પિત કલાકાર છે.

આઘાતમાંથી ઉગર્યાં

સમીરે જણાવ્યું - પ્રિયંકા પોતાના પિતાની ખૂબ જ નજીક હતાં. પિતાના નિધન બાદ મને લાગ્યું કે પ્રિયંકા માટે કામ ઉપર પરત ફરવું મુશ્કેલ બનશે અને અમારે કામ ટાળવું પડશે, પરંતુ તેઓ એક પ્રોફેશનલ અભિનેત્રી છે. આ દુઃખદ બનાવ બાદ આઠ જ દિવસમાં તેઓ કામે પરત ફર્યાં અને પૂરી મહેનત સાથે કામ શરૂ કર્યું.

ધર્યો મૅરી કોમ અવતાર

પિતાના મોતના આઘાતમાંથી ઉગરી પ્રિયંકા ચોપરા કામે પરત ફર્યાં છે. પ્રિયંકાએ સંજય લીલા ભાનુશાળીની આગામી ફિલ્મ મૅરી કોમ માટે શૂટિંગ શરૂ કરી દીધું છે. તેમણે આ માટે મૅરી કોમનો લુક ધારણ કર્યો છે.

એક્ઝૉટિકામાં પિટબુલ સાથે

ફરી એક વાર પ્રિયંકા એક અલગ અને પડકારજન્ય ભૂમિકા ભજવવા જઈ રહ્યાં છે. નિર્માતા-દિગ્દર્શક સંજય લીલા ભાનુશાળીની ફિલ્મમાં પ્રિયંકા ઓલિમ્પિક વિજેતા મૅરી કોમનું પાત્ર ભજવવાનાં છે. મૅરી કોમ પણ ઓલિમ્પિક સહિત વિવિધ સ્પર્ધાઓમાં જીતતાં રહ્યાં છે અને ઓલિમ્પિક પછી તો તેઓ અનેક ટેલીવિઝન શોમાં પણ ગયાં છે.પ્રિયંકા ચોપરા પોતાના આલબમમાં એક્ઝૉટિકા સૉંગમાં પિટબુલ સાથે દેખાય છે.