ભટ્ટ સાહેબ, માફી માંગવાની જરૂર નથી : સલમાન

મુંબઈ, 11 જાન્યુઆરી : સૈફઈ મહોત્સવમાં ભાગ લેવા બદલ આલિયા ભટ્ટની બહુ ટીકાઓ થઈ છે. તે પછી તેમના પિતા અને ફિલ્મ નિર્માતા મહેશ ભટ્ટે પોતાની દીકરીના આવા વ્યવહાર બદલ માફી માંગી છે, પરંતુ અભિનેતા સલમાન ખાને જણાવ્યું છે કે મહેશ ભટ્ટે પોતાની દીકરીના ઉછેર અને આચરણ બદલ માફી માંગવાની જરૂર નથી.

સલમાન ખાન પણ સૈફઈ મહોત્સવમાં કાર્યક્રમ રજૂ કરનાર કલાકારોમાં સામેલ હતાં. સલમાને શનિવારે ટ્વિટર પર લખ્યું - ભટ્ટ સાહેબ માફી માંગવાની જરૂર નથી. આલિયાનો ઉછેર શ્રેષ્ઠ રીતે થયો છે. મને ગર્વ છે કે મેં તેની સાથે સ્ટેજ શૅર કર્યું. તે પોતાની મહેનત અને સન્માન સાથે પોતાની રોજી-રોટી કમાવે છે.

દરમિયાન આલિયાના બહેન અને ફિલ્મ નિર્માતા-અભિનેત્રી પૂજા ભટ્ટે પણ પોતાના પિતા મહેશ ભટ્ટનો બચાવ કરતાં જણાવ્યું કે તેમના પિતા પોતાની જવાબદારી બજવવામાં ક્યારેય નિષ્ફળ નિવડ્યાં નથી. મહેશ ભટ્ટે ગઈકાલે માફી માંગતા જણાવ્યુ હતું કે ક્યાંક તેમના ઉછેરમાં ખામી રહી ગઈ હશે કે જેથી તેમની વીસ વરસની દીકરી આલિયા સૈફઈમાં પ્રસ્તુતિ આપવા ગયાં.

English summary

Alia Bhatt has been under fire for performing at the Saifai Mahotsav, following which her father Mahesh Bhatt issued an apology. However, superstar Salman Khan, who was also amongst the performers, says the filmmaker needn't be apologetic about his daughter's "upbringing".