પ્રભાસની સાહોને કારણે આ ફિલ્મોની રિલીઝ ડેટ બદલાઈ
બાહુબલી સ્ટાર પ્રભાસ અને શ્રદ્ધા કપૂરની ફિલ્મ સાહો 30 ઓગસ્ટે 2019 ના રોજ રીલિઝ થશે. પહેલા આ ફિલ્મ 15 ઓગસ્ટે રિલીઝ થવાની હતી
બાહુબલી સ્ટાર પ્રભાસ અને શ્રદ્ધા કપૂરની ફિલ્મ સાહો 30 ઓગસ્ટે 2019 ના રોજ રીલિઝ થશે. પહેલા આ ફિલ્મ 15 ઓગસ્ટે રિલીઝ થવાની હતી, પરંતુ તેને 30 ઓગસ્ટ સુધી રિલીઝ લંબાવી દેવામાં આવી હતી. જોકે, હવે સાહો 30 ઓગસ્ટે આવી રહી છે, તેને કારણે ઘણી ફિલ્મોએ તેની રિલીઝની તારીખો બદલી છે. તે સ્પષ્ટ છે કે કોઈ પણ સાહો જેવી મોટી બજેટની ફિલ્મ સાથે ટક્કર લેવા નથી માંગતું.
સાહો ફિલ્મની સોલો રિલીઝ માટે બીજી ફિલ્મના નિર્માતાઓએ પોતાની ફિલ્મની તારીખ બદલીને સમર્થન આપ્યું છે આવી સ્થિતિમાં, સાહોના નિર્માતાઓએ બીજી ફિલ્મ્સના નિર્માતાઓ પ્રત્યે આભાર વ્યક્ત કર્યો છે કારણ કે તેઓએ તેમની રિલીઝ તારીખો બદલી છે અને સાહો સાથે ટકરાતા નથી. તમને જણાવી દઈએ કે, બોલિવૂડ ફિલ્મ છીછોરે અને મેડ ઇન ચાઇના પણ 30 ઓગસ્ટે રિલીઝ થવાની હતી. પરંતુ તેમને તારીખ બદલી નાખી છે.
દેશભરમાંથી લગભગ ચાર ફિલ્મોએ સાહો માટેની તારીખો બદલી નાખી છે. તમને જણાવી દઈએ કે, આ ફિલ્મનું શૂટિંગ હિન્દી, તમિલ અને તેલુગુ ત્રણ ભાષાઓમાં કરવામાં આવ્યું છે. પ્રભાસ અને શ્રદ્ધા કપૂર ઉપરાંત સાહો ફિલ્મમાં નીલ નીતિન મુકેશ, જેકી શ્રોફ, મંદિરા બેદી, મહેશ માંજરેકર, ચંકી પાંડે, અરુણ વિજય અને મુરલી શર્મા છે.
સાહો ફિલ્મનું કુલ બજેટ 300 કરોડ છે અને આ બજેટનો અડધો ભાગ તેના એક્શન સીન પર ખર્ચ કરવામાં આવ્યો છે. ફિલ્મના 8 મિનિટના એક્શન સિક્વન્સ પર 70 કરોડનો ખર્ચ કરવામાં આવ્યો છે.
તેમાં કોઈ શંકા નથી કે માત્ર ચાહકો જ નહી, પણ ફિલ્મ ઉદ્યોગ પણ આ ફિલ્મની આતુરતાથી રાહ જોઇ રહ્યા છે. બાહુબલી સિરીઝ પછી આ પ્રભાસની આગામી ફિલ્મ હશે, જે આટલા મોટા પાયે બનાવવામાં આવી છે. ફિલ્મના ડાયરેક્ટર સુજીત છે.
આ પણ વાંચો: ગોવિંદા ગંભીર માનસિક બિમારીથી પીડાઈ રહ્યા છે, નજીકના મિત્રોનો દાવો