શું સાચે જ પારકાં થવા જઈ રહ્યાં છે પ્રિયંકા ચોપરા ?

મુંબઈ, 9 ફેબ્રુઆરી : ગત વર્ષે બૉલીવુડની અનેક સેક્સી અને હૉટ અભિનેત્રીઓ લગ્નગ્રંથિથી જોડાઈ ગઈ. એશા દેઓલ, કરીના કપૂર અને વિદ્યા બાલન જેવી હૉટ અભિનેત્રીઓએ પોત-પોતાના પ્રેમને જન્મો-જનમના સંબંધમાં બદલી નાંખ્યાં. હવે લોકોના દિલોના ધબકાર વધારનાર વધુ એક સુંદર અને સેક્સી અભિનેત્રી પ્રિયંકા ચોપરા પણ લગ્નગ્રંથિથી જોડાવાની તૈયારીમાં છે.

એમ તો ગત વર્ષે જ પ્રિયંકાએ લગ્ન અંગે જણાવ્યુ હતું કે તેમના ઘરના લોકો તો તેમના માટે મૂરતિયો શોધી રહ્યાં છે, પરંતુ તેમને કોઈ મિસ્ટર પરફેક્ટ મળતું નથી, પરંતુ હવે તેમની ફૅમિલીએ તેમના માટે એક મિસ્ટર પરફેક્ટ શોધી કાઢ્યો છે. જાણવા મળે છે કે પ્રિયંકા ચોપરાના માસીએ તેમના માટે એક મિસ્ટર રાઇટ શોધ્યો છે અને તે મિસ્ટર રાઇટ પ્રિયંકાને પણ ગમ્યો છે.

સૂત્રોના જણાવ્યા મુજબ આ મિસ્ટર રાઇટ છે નાના પડદાના મહાદેવ સીરિયલમાં ભગવાન શિવનો રોલ કરનાર મોહિત રૈના. કહેવાય તો એમ પણ છે કે મોહિત રૈના પ્રિયંકાને પણ ખૂબ પસંદ છે, પરંતુ આમ છતાં હજી સુધી કોઈ સ્પષ્ટ ખુલાસો અપાયો નથી. પ્રિયંકા તથા તેમના ઘરના લોકો મૌન છે, પરંતુ લોકોએ ચર્ચાઓ શરુ કરી નાંખી છે. હાલ મોહિત અને પ્રિયંકા બંને આ બાબતે મૌન જ છે.

પ્રિયંકાને જ્યારે આ અંગે પુછાયું, તો તેમણે ખૂબ જ ચતુરાઈ સાથે વાત પલટી નાંખી. જ્યારે મોહિત સાથે વાત કરવાનો પ્રયત્ન કરાયો, તો તેમણે ખૂબ જ સાદગી સાથે જણાવ્યું કે તેઓ પીસીના માસીનો આભાર માને છે કે તેમણે પ્રિયંકા માટે મારી મૂરતિયા તરીકે પસંદગી કરી છે. હવે મોહિત અને પ્રિયંકા વચ્ચે શું ખિચડી રંધાય છે, એ તો તેઓ જ જાણે, પરંતુ આપણને તો એ બાબતનો આશ્ચર્ય છે કે પ્રિયંકા માટે મોહિત એક સારો ઑપ્શન છે, પરંતુ શું બૉલીવુડમાં પ્રિયંકા માટે મૂરતિયાઓની ઓટ આવી પડી છે?

English summary

Priyanka Chopra is ready to get marry this year. According to the news Priyanka Chopra's aunt has selected TV actor Mohit Raina for her. Rumors says that Priyanka Chopra also likes Mohit Raina and will say yes to this proposal.