સોફી ટર્નરના આરોપો પર પ્રિયંકા ચોપડાના જેઠ જો જોનસે કર્યો ખુલાસો, ઘરમાં ચાલી રહ્યો છે કંકાશ
Priyanka Chopra: બૉલિવુડ તેમજ હૉલિવુડ અભિનેત્રી પ્રિયંકા ચોપડા હાલમાં પોતાની પર્સનલ લાઈફને લઈને ચર્ચામાં છે. એક તરફ પ્રિયંકા ચોપડાની નાની બહેન પરિણીતિ ચોપડાના લગ્નની ધામધૂમ ચાલી રહી છે તો બીજી તરફ પ્રિયંકા ચોપડાના જેઠ અને જેઠાણી જો જોનસ અને સોફી ટર્નર વચ્ચે છૂટાછેડાને લઈને ઘરમાં કંકાશ ચાલી રહ્યો છે.
હવે આ બધાની વચ્ચે નિક જોનસના ભાઈ અને પ્રિયંકાના જેઠ (જો જોનસ)એ પોતાનો મત વ્યક્ત કર્યો છે. સૂત્રોના જણાવ્યા અનુસાર, સમગ્ર મામલો એવો છે કે સોફીએ તેના પતિ જો વિરુદ્ધ કેસ દાખલ કર્યો છે. સોફીએ આરોપ લગાવ્યો છે કે જો જોનસે બાળકોના પાસપોર્ટ પોતાની પાસે રાખ્યા છે, જેથી તે બાળકોને પોતાની પાસે રાખી શકે.
સોફીએ વધુમાં કહ્યુ કે તેણે બાળકોની ઈંગ્લેન્ડ વાપસી પર રોક લગાવી દીધી છે. આ અંગ્રેજી કાયદા હેઠળ માતાના અધિકારોનું ઉલ્લંઘન છે. ઇંગ્લેન્ડ બાળકોનું અસલી ઘર છે. આ સ્થિતિમાં, સોફી ઇચ્છે છે કે જો જોનસ તેમને પાસપોર્ટ સોંપી દે અને તે તેની પુત્રીઓ સાથે ઇંગ્લેન્ડ જતી રહે.
હવે જો જોનસે સોફી ટર્નરના આ આરોપો પર પોતાનું મૌન તોડ્યું છે. તેણે કહ્યું કે જ્યારે અપહરણ જેવા શબ્દનો ઉપયોગ કરવામાં આવે છે ત્યારે તે ગેરમાર્ગે દોરવા જેવો બની જાય છે. ખરાબ સમયમાં કાયદાકીય વ્યવસ્થાનો દુરુપયોગ થાય છે.
સૂત્રો મુજબ જાણવા મળ્યુ છે કે જોનસ, જે તેના બે બાળકોની જવાબદારીઓ વહેંચવા માટે તૈયાર છે, તે ઈચ્છે છે કે તેની પુત્રીઓનો ઉછેર યુકે અને યુએસ બંનેમાં થાય પરંતુ કદાચ સોફી આના પર સહમત નથી.
તમને જણાવી દઈએ કે પ્રિયંકા ચોપડાના જેઠ અને જેઠાણી જો જોનસ અને સોફીને બે બાળકો છે. પહેલી દીકરીનું નામ વિલા છે જે ત્રણ વર્ષની છે અને બીજી દીકરી માત્ર 14 મહિનાની છે. આવી સ્થિતિમાં બાળકો માટે અત્યારે મુશ્કેલ સમય છે.
એવું જાણવા મળ્યું છે કે જો જોનસે ફ્લોરિડામાં છૂટાછેડા દાખલ કરવાની તૈયારી પણ શરૂ કરી દીધી હતી. આવી સ્થિતિમાં ફ્લોરિડા કોર્ટે પહેલા જ બાળકોના માતા-પિતાને આદેશ આપ્યો હતો કે તેમને બાળકો સાથે ક્યાંય બહાર જવાની પરવાનગી નથી.
Click it and Unblock the Notifications
Sign in with Google
